په‌كه‌كێ مالا 2 پارلمه‌نته‌رێن هه‌ده‌پێ وێران كر

په‌كه‌كێ مالا 2 پارلمه‌نته‌رێن هه‌ده‌پێ وێران كر

پارلمه‌نتەریا 3 پارلمه‌نته‌رێن تركیێ یێن پارتیێن گه‌ل یا كۆماری و پارتییا ده‌مۆكراتیك یا گه‌لان، ب سه‌ده‌ما ئه‌ندامێتییا په‌كه‌كێ و سیخۆرییا سیاسی و له‌شكری هات به‌تال كرن.

ل گۆر چاڤكانیێن پێگه‌ها «داركا مازی»، ژ بەر کو د دەر بارێ «ئەنیس بەربەرۆگلو» پارلمه‌نته‌رێ پارتییا گه‌ل یا كۆماری جه‌هه‌پێ، هه‌موه‌خت «لەیلا گوڤەن و مووسا فارسۆگولار» پارلمه‌نته‌رێن پارتییا ده‌مۆكراتیك یا گه‌لان هه‌ده‌پێ ده‌، بریارێن دادگەھێ ھەنە و جەزا خوارنە، د لژنەیا گشتی یا مەجلسێ ده‌، پارلمه‌نته‌رییا وان هات به‌تال كرن.

«ئەنیس بەربەرۆگلو» پارلمه‌نتەرێ ستەنبۆلێ یێ جه‌هه‌پێ، ژ بەر سووچێن سیخۆری یا له‌شكری و سیاسی و ئەشکەرە کرنا ئاگاھیێن گرینگ، 5 سال و 10 مەھ جەزایێ ھەپسێ خواربوو.

هه‌ر وها «مووسا فارسۆگولار» پارلمه‌نتەرێ ئامه‌دێ یێ هه‌ده‌پێ، ژ بەر سووچێن ئەندامه‌تییا په‌كه‌كێ 9 سال و «لەیلا گوڤەن» پارلمه‌نتەرا ھەکاریێ یا هه‌ده‌پێ، ژ بەر ھەمان سووچێ 6 سال و 3 مەھ جەزایێ ھەپسێ خواربوو.

دایرەیا جەزایێ یا 16مین یا دادگەھا بلند، جەزایێن پارلمه‌نتەرێن ناڤبووری قەبوول کربوو.

ب ڤان بریاران ھەژمارا پارلمه‌نتەرێن جه‌هه‌پێ ژ 139ان داکەت138ان و یا هه‌ده‌پێ ژی ژ 60ان داکەت 58ان.