ئاساییشا په‌یه‌دی گوللـه به‌ردان خوپێشانده‌ران
د خوه‌پێشاندانه‌كێ ده كو گه‌لێ نه‌رازی ل باژارۆكێ شه‌دادیێ یێ گونده‌وارێ حه‌سه‌كێ پێكئانییه، خوه‌پێشانده‌ره‌ك ب ده‌ست ئاساییشا په‌یه‌دێ تێ كوشتن.
ل گۆر چاڤكانیێن پێگه‌ها «داركا مازی» ل رۆژئاڤا كوردستانێ، ئیرۆ رۆژا پێنجشه‌می 4/6/2020ان ل باژارۆكێ شه‌دادیێ یێ گونده‌وارێ حه‌سه‌كێ، ب ده‌هان هه‌مولاتی ده‌ركه‌تن جادده‌یان و خوه‌پێشاندان ب سه‌ده‌ما ره‌وشا ئابوورییا خه‌راب و گرانبوونا بهایێ بازاران ل دار خستن.
خوه‌پێشانده‌ران هنه‌ك رێێن سه‌ره‌كه یێن ناڤه‌ندا باژار داخستن و ئاگر به‌ردان تایرێن ئه‌ره‌به‌یان.
هه‌روه‌ها ده‌ست نیشان كر، ئاساییشا پارتییا یه‌كێتییا ده‌مۆكراتیك په‌یه‌دێ كو ئه‌ڤ باژارۆك ل ژێر ده‌ستهلاتدارییا وێ ده یه، ژ بۆ به‌لاڤه پێ كرنا خوه‌پێشانده‌ران ده‌ركه‌تن و گوللـه تێ به‌ردان.
چاڤكانیێن «داركا مازی» ئه‌شكه‌ره كر، ب سه‌ده‌ما گوللـه‌یێن ئاساییشا په‌یه‌دێ، خوه‌پێشانده‌ره‌كی جانێ خوه ووندا كر و 10 خوه‌پێشانده‌رێن دن بریندار كه‌تنه.
