جه‌سه‌دێ كه‌چه‌كا عه‌فرینێ تێ دیتن

 جه‌سه‌دێ كه‌چه‌كا كورد یا هه‌رێما عه‌فرینێ ل رۆژئاڤا كوردستانێ، ئیرۆ سه‌رێ سبێ ل سینۆرێ باژارێ ئه‌عزازێ تێ دیتن كو ب ده‌ست میلیشیایێن ده‌وله‌تا داگیركه‌ر یا ترك هاتییه‌ شه‌هید كرن.

چاڤكانیێن پێگه‌ها «داركا مازی» ل رۆژئاڤا كوردستانێ ئه‌شكه‌ره‌ كرن، ئیرۆ رۆژا یه‌كشه‌می 7/6/2020ان، جه‌سه‌دێ كه‌چه‌كا كورد یا گوندێ ب ناڤێ «ده‌روێش» یێ ناڤچه‌یا شه‌رایێ گرێدای هه‌رێما عه‌فرینێ هات دیتن كو ب ده‌ست میلیشیایێن ده‌وله‌تا ترك هاتییه‌ شه‌هید كرن.

هه‌ر وها ده‌ست نیشان كرن، ئه‌ڤ كه‌چه‌ ل 18 مه‌ها رابووری ژ ئالیێ میلیشیایێن «سولتان موراد» یا گرێدای ئارته‌شا تركیێ هاتبوو ره‌ڤاندن، ئیرۆ ژی جه‌سه‌دێ وێ هات دیتن.

خه‌لكێ ناڤچه‌یێ كو پێزانین دانه‌ چاڤكانیێن «داركا مازی» دبێژن: چه‌كداره‌كی میلیشیایێن سولتان موراد به‌ریا مه‌هه‌كێ ژ وێ كه‌چێ خوه‌ست بوو پێره‌ ب زه‌وجه‌، كه‌چێ ژی ره‌فز كر ئه‌و كاره‌كی وها بكه‌، له‌وما ژ ئالیێ چه‌كدار ڤه‌ تێ ره‌ڤاندن و ب زۆری ب خوه‌ ره‌ زه‌وجاندبوو.

چاڤكانییان ئه‌شكه‌ره‌ كر، ئیرۆ رۆژا یه‌كشه‌می، جه‌سه‌دێ وێ كه‌چێ ل سینۆرێ گونده‌كی نێزی باژارۆكێ ئه‌عزازێ یێ باكورێ حه‌له‌بێ هات دیتن كو ب ئاوایه‌كی هۆڤ هاتییه‌ شه‌هید كرن.