ڤیرۆسا کۆرۆنایێ سورپرایزەک ژ بۆ شاسوار عەبدولواحد، رێبەرێ تەڤگەرا «نەوەی نوێ» چێکر، وختا کارمەندەکی کەنالێ وی NRT پێ کەتی. ل گۆر چاڤکانیێن پێگەھا «دارکا مازی» ل باشوورێ کوردستانێ، ئیرۆ رۆژا دوشەمی 8/6/2020ان، «عەلی عەبدولسەلام» کارمەندێ کەنالێ NRT عەرەبییە ب ڤیرۆسا کۆرۆنایێ کەتییە.
ھەر وھا دەستنیشان کر، ب کەتنا وی کامەندێ NRT یێ ب ڤیرۆسا کۆڤیدێ، تەڤ کارمەندێن وێ کەنالێ وێ وەرن کەرەنتین کرن.
شاسورا عەبدولواحد کو خوەدیێ شیرکەتا نالیا و تۆرا مەدیایی یا NRT یێ یە، نەرینەک جودا ل سەر ڤیرۆسا کۆرۆنایێ ھەیە، ئەو دبێژە تشتەک نینە ب ناڤێ ڤێ ڤیرۆسێ، بەلکو ئەڤ نەوەییەک دستھلاتێ و حکوومەتا باشوورێ کوردستانێ ژ بو خاپاندنا گەل چێکرییە و خستییە رۆژەڤێ.
شاسوار ل ئاخفتنا خوە موکر دهات، هەر چەند کو NRT یێ هەول ددان ژ بۆ وی پنی بکە و راستییا ئاخافتنا وێ کو گۆتبوو “کۆرۆنا ل هەرێما کوردستانێ نینە” ڤەشێرە، کو دوماهی ھەولدانا وی دەمەک پێش نها بوو، لێ بەلێ پشتی کارمەندەکی کەنالێ NRT عەرەبییە ب ڤێ ڤیروسێ کەتی، ئێدی هەر تشت ژ دەست شاسوار دەرکەت و درەوێن وی وەکە رۆژا روھن ئەشکەرە بوون و سێحرا سێحربازی بەرەڤاژی بوو و نەتەنێ ئاخافتنێن وی ب درەو دانە زانین بەلکو ڤێ سێحری ئەو ب خوە گرتن و ئێدی پێویست دکە پرانیا بێژەر و پێشکێشکارێن کەنالێ NRT عەرەبییە وەرن کەرەنتین کرن.
نها وێ ژ بۆ هەر کەسێ دیار بە شاسوار چ سێحرباز و بەرژەوەندخوازەکە و چەوا دخوازە ب خاپاندنا گەل بەرژەوەندیێن خوە یێن سیاسی و ئابووری بپارێزە، ئێدی ل ڤر پیدە پێویستە گەل وی باش ناس بکە.
