ئێریشێن ئارته‌شا ده‌وله‌تا داگیركار یا تركیێ ل سه‌ر باكور و باشوورێ كوردستانێ ده‌وام دكن، ئیرۆ ل سینۆرێ شرنه‌خێ و ئه‌لعه‌زیزێ، په‌كه‌كێ زرارێن مه‌زن هه‌نه.
چاڤكانیێن پێگه‌ها «داركا مازی» ل باكورێ كوردستانێ ئه‌شكه‌ره كرن، ئیرۆ رۆژا سێشه‌می 9/6/2020ان، ئارته‌شا تركیێ دو ئێریش ل سینۆرێ شره‌نه‌خێ و ئه‌لعه‌زیزێ پێكئانین.
د ئێریشا شرنه‌خێ ده كو ل ناڤچه‌یا سلۆپی یا سینۆری پێكئانی یه، 2 گه‌ریلایێن په‌كه‌كێ هاتن هه‌ده‌ف كرن.
هه‌موه‌خت ل ناڤچه‌یا ب ناڤی ئاریجاك یا گرێدای ئه‌لعه‌زیزێ، جه‌ندرمه‌یان 2 گه‌ریلا هه‌ده‌ف كرن.
مه‌دیا تركیێ ل ڤێ ده‌ربارێ ده ئه‌شكه‌ر كر، یه‌ك ژ گه‌ریلایێن كو ل ئه‌لعه‌زیزێ هاتنه به‌رته‌ره‌ف كرن، د لیستا ره‌نگ پرته‌قالی یا داخوازكریێن ده‌وله‌تێ ده بوو و خه‌لات ژ بۆی ده‌سته‌سه‌ر كرنا وان هاتبوون ئیلان كرن.
