ره‌ژیما ئیرانێ جوانه‌كی دن یێ كوردێ ب ناڤێ «هیدایه‌ت عه‌بدوللا پۆر» سێداره دا، هیدایه‌ت ل سه‌ر جینایه‌تا ئالیكارییا پارتییه‌كه كوردستانی هاتبوو ده‌سته‌سه‌ر كرن.
چاڤكانیێن پێگه‌ها «داركا مازی» ل رۆژهلاتا كوردستانێ ئه‌شكه‌ره كرن، ئیرۆ رۆژا چارشه‌می 10/6/2020ان، ده‌ستهلاتا ره‌ژیما ئیرانێ، مالباتا «هیدایه‌ت عه‌بدوللا پۆر» زیندانیێ سیاسی یێ كورد هایدار كر كو خۆرتێ وان هاتییه سێداره دان.
هه‌روه‌ها ئه‌شكه‌ره كرن، مالباتا هیدایه ئیرۆ سه‌ردانا به‌شا جه‌زایێن سێداره‌دانێ ل زیندانا ئۆرمیێ كرنه و ل ور ئه‌و هاتن هایدار كرن كو خۆرتێ وان به‌ریا 20 رۆژان ئه‌ڤ جه‌زا خوارییه.
هیدایه‌ت ل سالا 2016ان ب جینایه‌تا تێكلییا ب پارتییه‌كه كوردستانێ د شه‌رێ گوندێ «قه‌ره‌سه‌قه‌لێ» یێ گرێدایێ باژارێ شنۆ كو ل نێڤبه‌را پێشمه‌رگه‌یێن رۆژهلات و سپایێ پاسداران ده بوو، هاتبوو ده‌سته‌سه‌ر كرن و دادگها وی ل ئۆرمیێ هاتبوو كرن.
جه‌زایێ سێداره‌دانێ ل 16ی خزیرانا سالا 2016ان ژ بۆ هیدایه‌ت و هه‌ژماره‌كه هه‌مولاتیێن دن یێن باژارێ شنۆر ب جینایه‌تا ئالیكارییا پارتییه‌كه كوردستانی ده‌ركه‌تبوو و ئه‌ڤ جه‌زا ل سالا 2018ان هات په‌ژراندن.
هیدایه‌ت باڤێ دو زارۆیانه، به‌ریا نها ئه‌و ژ زیندانا ئۆرمیێ هاتبوو ڤه‌گوهاستن لێ به‌لێ نه‌دیاره كانێ جه‌زا ل چ ده‌مه‌كێ هاتییه بجی كرن.
