باله‌فرێن جه‌نگ یێن ده‌وله‌تا داگیر كه‌ر یا تركیێ، ئیرۆ هه‌رێمێن زاپێ و هه‌فته‌نینێ هه‌ده‌ف كرن، 8 گه‌ریلایێن په‌كه‌كێ جانێ خوه ژ ده‌ست دان.
هه‌ركو دچه زرارێن په‌كه‌كێ یێن جانی ژ سه‌ده‌ما ئێریشێن هه‌وایی یێن ده‌وله‌تا داگیركه‌ر یا ترك پێتر دبه، په‌كه‌كه كو ئێدی نكاره گه‌ریلایێن خوه ژ ته‌كنۆلۆژیا پێشكه‌تی یا تركیێ بپارێزه، هه‌ر رۆژ گه‌ریلایێن خوه راستی هه‌لاكه‌تێ دكه.
ل گۆر چاڤكانیێن پێگه‌ها «داركا مازی» ل باشوورێ كوردستانێ، ئیرۆ رۆژا چارشه‌می 10/6/2020ان، باله‌فرێن بێ پیلۆت یێن ده‌وله‌تا تركیێ، د ته‌عقیبا حه‌ره‌كه‌تێن په‌كه‌كێ ده، هه‌رێمێن زاپێ و هه‌فته‌نینێ هه‌ده‌ف كرن.
د ئێریشان ده، 8 گه‌ریلایێن په‌كه‌كێ جانێ خوه ژ ده‌ست دان، هنه‌ك جیێن گه‌ریلایان هاتن ژ ناڤ برن.
ژ سه‌رێ ڤێ مه‌هێ ڤه، پێتر ژ 20 گه‌ریلایێن په‌كه‌كێ د ئێریشێن هه‌وایی یێن تركیێ ده ل باشوورێ كوردستانێ جانێ خوه ژ ده‌ست دانه، هنه‌ك ژ وان فه‌رماندار بوونه، لێ به‌لێ په‌كه‌كه ب تو ئاوایی باس ل ڤان زرارێن جانی ناكه و د تۆلهلدانا گه‌ریلایێن خوه ده، ئێریشان ل سه‌ر جیێن سڤیل ل باكورێ ولات پێك تینه، وه‌كه ئێریشا دوهـ یا ل سه‌ر رێیا وانێ، وه‌ختا كو ئۆتۆبیسه‌كه كاسبكاران ته‌قاندی.
