هه‌ركو دچه زرارێن په‌كه‌كێ یێن ژ سه‌ده‌ما ئێریشێن هه‌وایی و به‌ژاهی یێن ده‌وله‌تا داگیركه‌را ترك پێتر دبه، ئیرۆ ل باكورێ ولات په‌ڤچوون ده‌ركه‌ت، 2 گه‌ریلا جانێ خوه ژ ده‌ست دا.
چاڤكانیێن پێگه‌ها «داركا مازی» ل باكورێ كوردستانێ ئه‌شكه‌ره كر، ئیرۆ رۆژا شه‌می 13/6/2020ان، ل دۆربەرێ بەیتوشەبابا ناڤچەیا شرنەخێ، فەرماندارییا جەندەرمەیا باژێر، د چارچۆڤەیا ئۆپەراسیۆنێن ئەولەھیێ یێن ناڤخوەیی ده ل وێ ھەرێمێ، ب پشتەڤانییا ھەوایی ئۆپەراسیۆن پێكئانین.
د ئۆپەراسیۆنێ ده، 2 گه‌ریلایێن په‌كه‌كێ جانی خوه ژ ده‌ست دا و گەلەک جەبلخانە و پێویستیێن دن ده‌ست ب سه‌ر ده هات گرتن.
ژ ده‌ستپێكا ڤێ مه‌هێ ڤه، په‌كه‌كێ 25 گه‌ریلا ل باكور و باشوورێ ولات ژ ده‌ست دا نه، یه‌ك ژێ فه‌رمانداره‌كی به‌رز بوو، لێ به‌لێ هه‌په‌گه دبێژه، ته‌نێ وان 4 گه‌ریلا ژ ده‌ست دا نه، هه‌ر و‌ها 12 له‌شكرێن ده‌وله‌تا داگیركه‌ر كوشتنه.
