پارتییا كاركه‌رێن كوردستانێ و هێز ئه‌نجوومه‌نێن گرێدای وێ كو ل ناڤا باشوورێ ولات و ل ده‌رڤه‌ی ولات ل ژێر ناڤێن جودا ئاڤا كرنه، دخوازه گه‌لێ ئێزدی ژ بۆ پیلانێن خوه بكاربینه، ل ڤێ ده‌ربارێ ده مه‌جلسا شه‌نگالێ یا ل ده‌رڤه‌ی ولات بانگ ل گه‌لێ ئێزدی كر داكه‌ڤن كۆلانان.
ده‌وله‌تا داگیركه‌را ترك، ل شه‌ڤا ده‌رباسبووی مه‌زنترین ئێریشا سه‌ر باشوورێ كوردستانێ ده‌ست پێ كر، 81 پێگه‌هێن په‌كه‌كێ ل شه‌نگالێ هه‌ده‌ف كرن و زرارێن مه‌زن پێره خستنه، په‌كه‌كه ژ بۆ كو خوه بێ گونه‌هـ نیشانی گه‌ل بده و ببێژه كو ئه‌ڤ نه پێگه‌هێن مه‌نه هاتنه هه‌ده‌ف كرن، بانگ ل گه‌لێ ئێزدی كر كو داكه‌ڤن كۆلانان.
مەجلیسا شەنگالێ یا ل دەرڤەیی وەلات كو ب (مشد) تێ ناس كرن و گرێدای په‌كه‌كێ یه، ئێرشێن دەولەتا ترکا داگرکەر ل سەر شەنگالێ، مەخموورێ و ھەرێمێن كو په‌كه‌كه ب پاراستنا مەدیایێ ناڤ دكه، بانگ ل گه‌لێ ئێزدی كر كو داكه‌ڤن كۆلانان.
ئه‌ڤ یه‌ك ل ده‌مه‌كێ یه كو ئاسته‌نگییا هه‌ری مه‌زن یا گه‌لێ ئێزدی ل باشوورێ ولات په‌كه‌كه‌یه، ژ به‌ر كو هه‌یا نها ب هه‌زاران ئێزدی د كامپان ده مانه و نكارن ژ به‌ر هه‌بوونا په‌كه‌كێ ل شه‌نگالێ ڤه‌گه‌رن وارێ خوه.
په‌كه‌كه دخوازه سه‌ده‌ما بۆمبه كرنا ده‌ڤه‌را شه‌نگالێ ب گه‌لێ ئێزدی ڤه تێكلدار بكه، لێ به‌لێ ب سه‌ده‌ما هه‌بوونا باره‌گه‌هێن په‌كه‌كێ ده‌ڤه‌را شه‌نگالێ و چیایێ شه‌نگالێ هاتنه هه‌ده‌ف كرن.
