بالهفرێن جهنگ یێن دهولهتا داگیركهرا ترك، ئیشهڤ د تهعقیبا حهرهكهتێن پهكهكێ ده، ئاقارێ گوندێ كێسته بۆردۆمان كر.
چاڤكانیێن پێگهها «داركا مازی» ل باشوورێ كوردستانێ ئهشكهره كر، ئیرۆ رۆژا دوشهمی 15/6/2020ان و ل دهمژمێر 9:15 شهڤێ، بالهفرێن جهنگ یێن تركیێ، ب سهدهما پهكهكێ، ئاقارێ گوندێ كێسته یێ دهڤهرا بهرواری بالا بۆردۆمان كر.
ههر وها دهست نیشان كر، بالهفران یهك مۆشهك ل چهمێ «رهشوێله» دانه كو ئهڤ جییه دكهڤه باكورێ ئاقارێ گوندێ كێسته یێ گرێدای ناڤچهیا كانی ماسێ.
دهولهتا تركیێ ل شهڤا دهرباسبوویی 17 مۆشهك ل زنارا گوندێ كێسته دانه، ئهڤ یهك بهرا دهست پێ كرنا ئێریشا مهزنا ب ناڤێ «پهنج-ئهلهۆ» ل دهڤهرا شهنگالێ بوو.
ژ تهباخا سالا رابووری 2019ان، پهكهكه ژ بۆ كو خوه ژ ئێریشێن دهولهتا تركیێ بپارێزه، حهرهكهتا گهریلایێن خوه خستنه ناڤا گوندێن باشوورێ ولات، روونشتڤانێن گوندان گازن ژ پهكهكێ ههنه و دخوازن خوه ژ گوندێن وان دوور بكن ژ بۆ كو نهبن ئامانجا بالهفران.
