باله‌فرێن تركیێ شڤانه‌ك ل باشوورێ ولات شه‌هید كر

باله‌فرێن تركیێ شڤانه‌ك ل باشوورێ ولات شه‌هید كر

باله‌فرێن جه‌نگ یێن ده‌وله‌تا داگیركه‌را تركیێ، د ئێریشا ده‌ڤه‌را برادۆستی ده‌، شڤانه‌كێ په‌ز ل ور هه‌ده‌ف كر و هه‌ر راست جانێ خوه‌ ژ ده‌ست دا.

چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ره‌ كرن، ئێریشێن باله‌فرێن تركیێ 3 رۆژه‌ ل سه‌ر باره‌گه‌هێن په‌كه‌كێ به‌رده‌وام دكن، ل ده‌ڤه‌را برادۆستی شڤانه‌كێ په‌ز كه‌تییه‌ به‌ر ئێریشان و جانێ خوه‌ ژ ده‌ست دا یه‌.

ئه‌ڤ شڤان، ب ناڤێ «عەباس مەغدید» ناسیاره‌، ئه‌و دوهـ رۆژا چارشه‌می 17/6/2020ان، ل ناڤچه‌یا «خنێره‌» یا گرێدای ده‌ڤه‌را سیده‌كان كه‌تییه‌ به‌ر ئێریشان، جه‌سه‌دێ وی ل ور مابوو و خه‌لكێ ناڤچه‌یێ سه‌رێ سبێ یا ئیرۆ ژ نووڤه‌ كارین ژ ور راكن.

ئارته‌شا تركیێ، ل 15 ڤێ مه‌هێ ئۆپه‌راسیۆنه‌كه‌ مه‌زن ب ناڤێ «په‌نجا بازێ» ل دژی په‌كه‌كێ ل باشوورێ ولات ده‌ست پێ كر، پشتره‌ ب رۆژه‌كێ ئێریشا هه‌وایی، پێتر ژ 200 پێگه‌هێن په‌كه‌كێ كه‌تنه‌ به‌ر ئێریشان.

ب سه‌ده‌ما حه‌ره‌كه‌تێن په‌كه‌كێ ل نێزی گوندێن باشوورێ ولات، ژ ته‌باخا سالا رابووری، پێتر ژ 20 هه‌مولاتیێن سڤیل یێن باشوورێ كوردستانێ، د بۆردۆمانێن تركیێ ده‌ شه‌هید كه‌تنه‌.