ئێریشێن تركیێ نێزی باژارۆكان دبن

ئێریشێن تركیێ یێ نێزی باژارۆكان دبن

ئێریشێن ده‌وله‌تا تركیێ ل دژی په‌كه‌كێ ل باشوورێ كوردستانێ دژوار بوونه‌ و هه‌ركو دچه‌ ئێریش پێتر ل نێزی گوند و باژارۆكان تێن ئه‌نجام دایین.

باله‌فرێن جه‌نگ یێن تركیێ ئیرۆ رۆژا سێشه‌می 7/7/2020ان، د ته‌عقیبا حه‌ره‌كه‌تێن په‌كه‌كێ ده‌، ناڤچه‌یێن سینۆری یێن باژارۆكێ ب ناڤێ «ده‌ركارێ» گرێدای باژارێ زاخۆ هه‌ده‌ف كرنه‌، ئاگاهی ل ده‌ربارا زراران تونه‌ نه‌.

چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ره‌ كرن، ژ 15 مه‌ها رابووری ڤه‌، هه‌ژماره‌كه‌ گوندێن ناڤچه‌یێ ب سه‌ده‌ما په‌ڤچوونێن په‌كه‌كێ و تركیێ هاتنه‌ ڤالا كرن.

ده‌وله‌تا تركیێ ئێریشا سه‌ر باشوورێ كوردستانێ ب سه‌ده‌ما په‌كه‌كێ ل 15/6/2020ان ده‌ست پێ كر، ژ وێ ده‌مێ ڤه‌، نێزی 30 نوقته‌یێن ئارته‌شا تركیێ هاتنه‌ دانان، په‌كه‌كه‌ هه‌ركو دچه‌ قادا شه‌ر نێزی گوند و باژارۆكان دكه‌، گه‌لێ باشوور ژی ژ ڤێ هه‌نگاڤا په‌كه‌كێ دلگرانه‌ و دخوازه‌ په‌كه‌كه‌ ژ ناڤچه‌یێن وان دوور به‌ ژ بۆ كو نه‌بن ئامانجا ئێریشان.