ل هه‌رێما عه‌فرینێ ئا رۆژئاڤا كوردستانێ، د 24 ساعه‌تێن رابووری ده، هه‌ژماره‌ك میلیشیایێن ب ناڤێ «ئه‌لهۆیێن باكور» كو گرێدای تركیێ نه، هاتن به‌رته‌ره‌ف كرن.
چاڤكانیێن پێگه‌ها «داركا مازی» ل رۆژئاڤا كوردستانێ ئه‌شكه‌ره كر، ژ دوهـ رۆژا سێشه‌می 14/7/2020ان، هه‌ری كێم 3 چه‌كدارێن گرۆپا «ئه‌لهۆیێن باكور» ئێن گرێدای ئارته‌شا تركیێ، د چارچووڤێ ئۆپه‌راسیۆنا «چقلێ زه‌یتوونێ» ده هاتنه كوشتن.
د ڤێ ده‌ربارێ ده، نه‌رینگه‌ها سووری یا مافێن مرۆڤان ده‌ست نیشان كر، 3 میلیشیا ژ بال هنه‌ك چه‌كدارێن نه‌ناس كری ل گونده‌كی ناڤچه‌یا شه‌رایێ هاتنه هه‌ده‌ف كرن و هه‌ر راست هاتن كوشتن.
لێ به‌لێ چاڤكانیێن خوه‌جهی ئاماژه دكن كو دبه هێزێن ب ناڤێ هێزێن رزگارییا عه‌فرینێ ئه‌ڤ ئێریش كربه.
تێ زانین ل 11 ڤێ مه‌هێ ژی جه‌سه‌دێ میلیشیایه‌كه پۆلیسێن گرێدای تركیێ ل ناڤچه‌یا جندرێسێ هاتبوو دیتن كو ب ده‌ست چه‌كداران هاتبوو كوشتن و پشتره هاتبوو شه‌وتاندن.
