ل وانێ باله‌فرا کەشفێ کەت و 7 ئه‌سكه‌ر كوشتی

ل وانێ باله‌فرا کەشفێ کەت و 7 ئه‌سكه‌ر كوشتی

باله‌فره‌كه‌ كه‌شفێ ئا ئارته‌شا تركیێ سه‌رێ سبێ یا ئیرۆ ل سینۆرێ وانێ كه‌ت، 7 له‌شكر 2 ژێ پیلۆت هاتن كوشتن.

ئیرۆ رۆژا پێنجشه‌می 16/7/2020ان، باله‌فره‌كه‌ كه‌شفێ ئا ئارته‌شا تركیێ، ل چیایێ ئارتۆشێ یێ پارێزگه‌هییا وان كه‌ت خوارێ، 7 له‌شكر 2 ژێ پیلۆت هاتن كوشتن.

وه‌زاره‌تا كارێن ناڤخوه‌ ئا تركیێ د ڤێ ده‌ربارێ ده‌ داخوه‌یانی دا و ئه‌شكه‌ر كر كو ئه‌ڤ باله‌فر ئا كه‌شفێ بوو، ئه‌و ژ بلنداهییا 2 هه‌زار و 200 مه‌ترویان داكه‌تییه‌ خوارێ، 7 ئه‌سكه‌رێن مه‌ تێده‌ جانێ خوه‌ ووندا كر.

پاش كه‌تنا باله‌فرێ، تیمێن له‌كۆلینێ ل جیێ كه‌تنا باله‌فرێ ئاماده‌ بوون و ده‌ست ئاڤێتن خه‌باتا خوه‌ ژ بۆی زانینا سه‌ده‌مێن كه‌تنێ.

سولەیمان سۆیلویێ وەزیرێ ناڤخوە دەر بارێ باله‌فرا كو کەت خوارێ دا گۆت: ئه‌ڤێ باله‌فرێ ژ دووشه‌مییا رابووری كارێن كه‌شفێ ل وانێ و هه‌كاریێ دكر، دبه‌ ئه‌و ب سه‌ده‌مه‌كه‌ ته‌كنیكی كه‌ت به‌.