ل گونده‌كێ سینۆرێ پارێزگه‌هییا سنه ئا رۆژهلاتا كوردستانێ، په‌ڤچوون ل نێڤبه‌را هێزه‌كه كوردی و سپایێ پاسداران ده‌ركه‌ت، 4 ئه‌ندامێن پاسداران هاتن هه‌ده‌ف كرن.
رێخستنا هه‌نگاو ئا مافێن مرۆڤان ئا رۆژهلاتا كوردستانێ ئه‌شكه‌ره كر، ل ده‌رنگیێن شه‌ڤا ده‌رباسبوویی 15/7/2020ان، ل زیرێن گوندێ بلبه‌رێ ئێ گرێدای ناڤچه‌یا سه‌ولاوا ئا پارێزگه‌هییا سنه، په‌ڤچوون ل نێڤبه‌را سپایێ پاسداران و هێزه‌كه كوردی ده‌ركه‌ت.
د په‌ڤچوونێ ده، دو ئه‌ندامێن سپایێ پاسداران ب ناڤێ «جه‌مال كه‌ریمی» كو فه‌رماندارێ قرارگه‌ها بلبه‌رێ و «محه‌مه‌د كه‌ره‌می»، هاتنه كوشتن، هه‌موه‌خت دو ئه‌ندامێن دن ئێن پاسداران بریندار كه‌تنه، یه‌ك ژێ ب ناڤێ «محه‌مه‌د عه‌لی مورادی» یه.
ل گۆر رێخستنا هه‌نگاوێ زرارێن جانی ل ناڤا رێزێن هێزا به‌رانبه‌ر تونه‌نه، هه‌یا نها تو پارتییه‌كه كوردستانی ئا رۆژهلاتا كوردستانێ، به‌رپرسیارییا ڤێ په‌ڤچوونێ نه‌هلگرتییه، ئیرانێ ژی بوویه‌رێ رۆمال نه‌كر.
