ل گۆر زانیاریێن پێگەها دارکا مازی ل ناڤچەیا چەلێ یا جۆلەمێرگا باکورێ کوردستانێ ٢ لەشکەر ھاتنە کوشتن.
چاڤکانیێن پێگەها دارکا مازی ئەشکەرە کرن کو ئیرۆ ل ھەرێما ناڤچەیا چەلێ یا جۆلەمێرگێ گەریلایێن پەکەکێ “ژ دوور ڤە ب مووشەکان ئێرشی بنکەیەکە لەشکەری”یا ترکیێ کریە.
ل گۆر زانیاریێن تایبەت یێن پێگەها دارکا مازی د ئەنجاما وێ ئێرشێ دە چەندین لەشکەر بریندار بوونە و پشتی ژ بۆ دەرمانکرنێ بۆ نەخوەشخانەیێ هاتینە راکرن 2 لەشکران، تەڤی ھەموو مداخەلەیێن پزیشکی ژ مرنێ رزگار نەبوونە.
پشتی ڤێ ئێریشا مۆشەکی یا پەکەکێ بۆ سەر ڤێ قەرەقۆلا ترکیێ، ھێزێن ئەولەکاریێ ب ھەلیکۆپتەر و فرۆکەیێن درۆن بەرسیڤا ئێرشێ دا.
ئەڤ ئێریشا مۆشەکی یا پەکەکێ پشتی وێ ئۆپەراسیۆنێ هات لدارخستن کو ترکیێ ل چیایێ جیلۆ ل سینۆرێ پارێزگەھا جۆلەمێرگێ ل دژی پەکەکێ ب ناڤێ برووشک-٢ جیلۆ دانە دەستپێکرن و د ئۆپەراسیۆنێ دە، ھێزێن ئارتێشێ، تیمێن تایبەتێن پۆلیسان و جەردەوان بەشدارن، و هەیا نها ژی ئەڤ ئۆپەراسیۆن بەردەوام دکە.
