دالیا ب ئه‌ڤینا خوه‌ شاد دبه‌

دالیا ب ئه‌ڤینا خوه‌ شاد دبه‌

ئه‌ڤ نێزی هه‌فته‌یه‌كێ یه‌ كه‌چا رۆژئاڤایی ئا ب ناڤێ «دالیا» د رۆژه‌ڤێ ده‌ یه‌، ئه‌ڤ مژار ل باشوورێ ولات پر گوره‌، مه‌دیا په‌كه‌كێ و شه‌یدایێن وان، جینایه‌تا ته‌سلیم كرنا دالیا تێخن بال حكوومه‌تا باشوور ب ته‌یبه‌ت په‌ده‌كێ، لێ به‌لێ ئا راست دالیا خه‌ته‌رییه‌ك پر مه‌زن خست سه‌ر ژیانا خوه‌ و ته‌نێ ژ بۆ یه‌ك ئارمانجێ، ئه‌و ژی گهیشتن ب خوه‌شتڤیێ خوه‌ ئێ ب ناڤێ «تۆلهلدان».

ئاگاهیێن ته‌سلیم بوونا «دالیا مه‌حموود موسلم» ئا برازییا سالح موسلمێ هه‌ڤسه‌رۆكێ به‌رێ ئێ پارتییا یه‌كێتییا ده‌مۆكراتیك په‌یه‌دێ، ل رۆژا  15/7/2020ان د مه‌دیا تركیێ ده‌ به‌لاڤبوو، و ب ڤی ئاوایی:

«پاش خه‌باتێن ئیقنا كرنێ، كه‌چا ب ناڤێ دالیا كو دبه‌ برازییا سالح موسلم ل مێرسینێ ته‌سلیم بوو».

پشتره‌ ب دو رۆژا مه‌دیا په‌كه‌كێ وه‌كه‌ چاوا هه‌رتم دخوازه‌ رۆژه‌ڤا باشوور نه‌رهه‌ت بكه‌، ب ده‌ره‌و‌ داخوه‌یانی ژ زارێ سالح موسلم و باڤێ دالیا وه‌شاندن، حكوومه‌تا باشوور و ب ته‌یبه‌ت پارتییا ده‌مۆكرات ئا كوردستانێ ب ته‌سلیم كرنا دالیا وه‌كه‌ جینایه‌تكار دان ناس كرن.

وه‌زاره‌تا كارێن ناڤخوه‌ ئا حكوومه‌تا باشوور دوهـ رۆژا دوشه‌می 20/7/2020ان، داخوه‌یانی دا و د به‌رسڤا مه‌دیا په‌كه‌كێ و شه‌یدایێن وێ ده‌، هنه‌ك راستی ئیفشا كرن، د داخوه‌یانیێ ده‌ وها هاتبوو نڤیساندن:

«دالیا ب كێفا دلێ خوه‌ ته‌سلیم بوویه‌، وێ تێكلییه‌كه‌ سۆزداریێ ل گه‌ل شه‌رڤانه‌كی دن ب ناڤێ «سه‌لام ره‌مه‌زان» و كۆد ناڤێ تۆلهلدان گرێدابوو، وان ب هه‌ڤره‌ بریارا ته‌سلیم بوونێ گرتییه»‌.

ده‌ره‌وا په‌كه‌كێ پر ده‌وام نه‌كر

«گه‌ره‌كه‌ مه‌دیا په‌كه‌كێ ل جیێ وه‌شاندنا ده‌ره‌وان، ڤێ پرسێ ژ خوه‌ بكه‌، چما خه‌لك رێزێن رێخستنا وه‌ ب جی دهێله‌ و ئاماده‌نه‌ ب رێكێن قاچاغ خه‌ته‌ریێ بخن سه‌ر ژیانا خوه».

ده‌ره‌وا مه‌دیا په‌كه‌كێ پر ده‌وام نه‌كر، برایێ دالیا دوهـ د پێوه‌ندییه‌كێ تێله‌فوونی ده‌ ل گه‌ل كه‌ناله‌كی باشوور، هه‌ر تشت ئیفشا كر و گۆ كو وان ته‌نێ گۆتییه‌ كو دالیا ل باشوور ژیان دكر و ره‌د كر كو وان سووچا ته‌سلیم بوونێ ب حكوومه‌تا باشوور و په‌ده‌كێ دابه‌.

راستییا ڤێ مژارێ ئه‌ڤه‌ كو دالیا و سه‌لام شه‌ر ژ بۆ ئه‌ڤینا خوه‌ كرن، وان ب هه‌ڤره‌ رێزێن یه‌په‌گێ و یه‌په‌ژێ ب جی هشتنه‌ كو ئه‌ڤین و سۆزداری د ناڤا ڤێ رێخستنێ ده‌ كاره‌كه‌ حه‌رام كری یه‌.