پیلانه‌كه‌ پەکەکێ یا ره‌ڤاندنا زارۆكان ژ كامپا دۆمیز ئیفشا بوو

domiz camp كه‌مپا دۆمیز

ل گۆر زانیاریێن پێگەها «دارکا مازی» کو ژ چاڤکانیێن خوە یێن تایبه‌ت ل باشوورێ کوردستانێ ب دەست خستنە، پەکەکێ خوەستییە هنه‌ك زارۆکان ژ کامپا دۆمیز ئا باشوورێ کوردستانێ برەڤینە، لێ بەلێ ئەڤ پیلانا وان ئیفشا بوویە.

چاڤکانیێن پێگەها «دارکا مازی» ل باشوورێ کوردستانێ ئەشکەرە کرن، دوهـ رۆژا دوشه‌می 20/7/2020ان، پەکەکێ ب رێکا یەک ژ قادرۆیێن خوە د ناڤا کامپا دۆمیز دە خوەستییە 4 زارۆیێن کەچ برەڤینن و دەرباسی رۆژئاڤا کوردستانێ بکن، لێ بەلێ پشتی دەرچوونا ڤان زارۆکان ژ مالێن وان و هایداربوونا یەک ژ مالباتێن ڤان زارۆکان ب ڤێ پیلانا پەکەکێ، ئەڤ پیلان ئیفشا بوویە.

چاڤکانیێن «دارکا مازی» ئەشکەرە کرن، پاش مالباتا «ئەڤین یاسر حەمۆ» کو یەک ژ وان زارۆکێن کەچ بوویە، هەست ب دیارنەما کەچا خوە یا زارۆک کری، ل پەی وێ گەریانە و ئەو ل پێش نانپێژییا کامپا «دۆمیز 1» دگەل 3 زارۆیێن دن ئێن کەچ دیتینە کو چانتا د دەستێن وان دە بوون و دخوەست ژ کامپێ دەرکەڤن، پشتی دایکا ئەڤینێ ئەو هایدار کری ڤەگەرن مال گەر نا وێ پۆلیسێن کامپێ هایدار بکە، ئەو زارۆک ڤەگەرینە مالێن خوە.