ئیران 10 جوانێن كورد ب زیندان و لێدانێ جه‌زا دكه‌

ئیران 10 جوانێن كورد ب زیندان و لێدانێ جه‌زا دكه‌

داگه‌هه‌كه‌ كۆمارا ئیسلامی ئا ئیرانێ، جه‌زایه‌كی هه‌ری توند كو زیندان كرن و لێدانێ ل خوه‌ دگره‌، ژ بۆ 10 چالاكڤانێن كورد ئێن رۆژهلاتا كوردستانێ ده‌رخست.

رێخستنا هه‌نگاو ئا مافێن مرۆڤان ئیرۆ رۆژا شه‌می 25/7/2020ان ئه‌شكه‌ره‌ كر، دادگه‌ها باژارێ سنه‌ جه‌زایێ 30 مەھ زیندان كرن ل گەل لێدانێ ژ بۆی 10 خوەپێشاندەرێن باژارێ بانه‌ یێ رۆژھلاتا کوردستانێ ده‌رخست.

کەسێن كو ھاتنە جه‌زا كرن، ب جینایه‌تا کو بەرێ 3 سالان د خوەپێشاندانان دە پشتەڤانی ل کۆلبەران کر بوون، ھاتن دادگه‌هـ كرن.

بەری 3 سالان 2 کۆلبەرێن ب ناڤێ «قادر بەھرامی و حەیدەر فەرەجی» ل سەر سینۆرێ رۆژھلات و باشوورێ کوردستانێ ژ ئالیێ ھێزێن ئیرانی ڤە ھاتن کوشتن، ئەو 10 کەس ژی د خوەپێشاندانێن ل دژی کوشتنا وان ھەردو کۆلبەران دە ھاتبوون گرتن.

جه‌زا كرنا ڤان 10 چالاكڤانان هه‌موه‌ختا جه‌زایێ هه‌فته‌یا رابووری ئا دادگه‌ها سه‌قزێ یه‌، وه‌ختا كو کۆما 16 سال زیندان ژبۆ 3 جوانێن کورد ده‌رخستی، جینایه‌تا وان 3 جوانێن كورد شه‌وتاندنا وێنه‌یێن قاسم سوله‌یمانی بوو.