ناڤەندا راگھاند و چاپەمەنیێ یا ھێزێن پاراستنا گەل (هەپەگە) کو باسکێ چەکداری یێ پەکەکێ یە، کوشتنا ٨ سەربازێن ترکیێ ل حەفتەنین و خاکورکێ راگھاند.
ل گۆر داخویانیا هەپەگێ، د رۆژێن ٢٧ و ٢٨ێ تیرمەھێ دە گەریلایێن پەکەکێ ل گرێ دووپشک و خانتوور سەر ب ھەفتەنینێ ڤە سەربازێن ترکیێ کرنە ئارمانج و ٣ سەرباز ل وێ دەڤەرێ ھاتنە کوشتن.
هەپەگێ ئاماژە ب وێ ژی کریە، ئیرۆ، 29/7/2020، ل گرێ لێلکانێ یێ سەر ب دەڤەرا خواکورکێ ٢ سەنگەرێن ھێزێن ئارتێشا ترکیێ ھاتنە ئارمانجکرن و ٥ سەربازێن ترکیێ ھاتنە کوشتن.
تێ زانین ل رۆژا ١٥ێ حزیرانێ ئارتێشا ترکیێ، ب رێیا ئاسمانی ئۆپەراسیۆنا “چەنگێ باز” و رۆژا ١٧ێ حزیرانێ ژی ب رێیا زەمینی ئۆپەراسیۆنا “چەنگێ پلنگ” دا دەستپێکرن.
ل گۆر راپۆرتا کو کۆمیتەیێن ژ ئالیێ پارلامەنتۆیا کوردستانێ ڤە ھاتبوون راسپاردن ژ بۆ لێکۆلینکرنا زیانێن شەر و تۆپبارانێ ل ناڤچەیێن سینۆری، د ئەنجاما وان ئۆپەراسیۆنێن ترکیێ یێن د ناڤەراستا مەھا حزیرانێ دە ل سینۆرێ باشوورێ کوردستانێ دابوون دەستپێکرن، ٥٠٤ گوند ھاتنە ڤالاکرن.
ھەر ل گۆر راپۆرتا وان کۆمیتەیان ترکیێ سینۆرێ باشوورێ کوردستانێ ب فرەھیا ٤٠ کیلۆمەترە و کوراھیا ١٥ کیلۆمەترە دەرباس کریە.
