ئێریشێن ترکیێ ل باشوورێ کوردستانێ نێزی باژاران دبن

ئیریشا دەولەتا ترکیێ ئا ل سەر باشوورێ کوردستانێ، ب سەدەما پەکەکێ دەوام دکە و ئیرۆ بالەفران جارەکە دن نوقتەیێن پەکەکێ هەدەف کرن.

چاڤکانیێن پێگەھا «دارکا مازی» ل باشوورێ کوردستانێ ئەشکەرە کرن، ئیرۆ رۆژا شەمی 2020/8/1ان، بالەفرێن بێ پیلۆت ئێن دەولەتا ترکیێ، ئەرەبەیەکە پەکەکێ ل سینۆرێ پارێزگەھا دھۆکێ ھەدەف کرنە.

دەست نیشان کر، ئێریش ل ساعەت 6:00 ئێڤارێ چێبوویە، وەختا کو بالەفران ل دەریێ کۆمەلگەھا باگێرا ئەرەبەیەکە پەکەکێ ھەدەف کری، لێ بەلێ تو زرارەک ب ئەرەبێ نەکەت.

ئێریشا ئیرۆ ھەموەختا ئێریشا دوھ رۆژا ئینی تێ وەختا کو بالەفران دوو جاران نوقتەیێن پەکەکێ ل گەلیێ بازێ ئێ ناڤچەیا کانی ماسێ و ھەروھا ل دەڤەرا ب ناڤێ شیڤا گوندێ کەربلێ ئا ل ناڤچەیا مانگێشکێ گرێدای دەڤەرا دۆسکییا ھەدەف کرن، ئەڤ ئێریش ژی ب دووراتییا نێزی 16 کیلۆمەترۆیان ژ باژارێ دھۆکێ پێکھاتبوو.

تەڤی کو زرارێن جانی ئێن ڤان ئێریشان نەھاتیە هین بوون، لێ بەلێ ترسەکە ھەری زێدە ل جەم شێنیێن ناڤچەیێ چێبوویە، ئەو دخوازن پەکەکە ژ ناڤچەیێن وان دوور بە، ژ بۆ کو نەکەڤن بەر خەتەرییا بۆردۆمانان.