در. سارین، باڤ ئان رەڤینەرێ زارۆکێن خوە

در. سارین ئازەر، کو ناڤێ ب تەمامی “سەلاحەدین مەھموود ئازەر”ە، ب ئەسلێ خوە ژ رۆژھلاتێ کوردستانێ یە، پشتی وەرگەرتنا مافێ پەنابەریێ ل کانادایێ، وەکە بزیشک دخەبتی و ل ور ب ژنەکە ب ناڤێ ئالسۆن رە زەوجیە، ئەو داییک و باڤێ ٤ زارۆکانن، کو زارۆکێن وان ٢ کور و ٢ کەچن.

د سالا ٢٠١٤ان دە، سارین و ئالسۆن ل دادگەھێ ب فەرمی ژ ھەڤ جودا دبن، دەربارێ چارەنڤیسا زارۆکان دە ژی، دادگەھ بریار ددە کو ب دۆرێ ل جەم داییک و باڤێ خوە بمینن.

د داویا سالا ٢٠١٥ان دە دەما زارۆک ل جەم باڤێ خوە دمینن، سەلاحەدین ئازەر وان سواری بالافرێ دکە و دچن سلێمانیێ، پشترە ژی ب ناڤێ گھاندنا دەرمان و ئالیکاریێن بزیشکی بۆ پەکەکێ، سەلاحەدین ئازەر زارۆکێن خوە دبە قەندیلێ و ئێدی ڤەناگەرە.

دەڤەرا شەر

مالپەرا National Post ئا کانادایێ، رۆژا ١١ێ ئادارا ٢٠١٦ان دە راپۆرتەک دەربارێ ڤێ روودانێ دە بەلاڤ کریە و دبێژە: “چار زارۆکێن وەلاتیێن کانادایێ ل دەڤەرەکە شەر ھاتنە دەستەسەرکرن و وسا خویا ناکە کو کەسەک ژ بۆ ڤەگەراندنا وان ھەول بدە.”

ھێمن عەبدوڵاھ کو ب ناڤێ ھێمن خۆشناو تێ ناسین و رۆژنامەڤانە و بەری نھا ئەندامێ پەکەکێ بوو، ل سەر ڤێ روودانێ راپۆرتەک بەلاڤ کریە و تێدە ئاماژە ب وێ یەکێ دکە کو ت شاندەکە ئامەریکی سەردانا قەندیلێ نەکریە، کەسێن چوونە قەندیلێ ژ کانادایێ نە و ژ بۆ وەرگرتنا وان ھەر چار زارۆکێن وەلاتیێن کانادایێ چوونە وێ دەڤەرێ.

ل گۆر راپۆرتێ ژی، کو خوە ب چەند چاڤکانیێن جودا و پێباوەر گرێدایە، ئالسۆن کو داییکا وان زارۆکانە، ل ئینتەرپۆل دۆز ل سەر سەلاحەدین ئازەر ڤەکریە و ئەو ب رەڤاندنا زارۆکان تۆھمەتبار کریە، ئینتەرپۆل ژی ل چەندین بالافرگەھێن وەلاتێن ئەورۆپایێ، وێنەیێن داخوازکرنا زانیاریێن دەربارێ سەلاھەدین ئازەر دە دالقاندنە.

لێگەرینا ل مەھابادێ

ھێمن عەبدوڵاھ د راپۆرتا خوە دە دبێژە: “دو نێرینێن جودا ل سەر مانا سەلاحەدین ل ناڤ پەکەکێ ھەنە، یەک ژ وان؛ گۆیا سەلاحەدین ل کانادایێ ئالیکاریا پەکەکێ کریە و ژ بۆ وێ لۆبی کریە. نێرینا دویەم ژی؛ ناسکریێن سەلاحەدین ل ناڤ پەژاکێ ھەنە و کاریە ب وێ رێیێ ل وێ دەڤەرێ بمینە.”

د بەشەکە راپۆرتێ دە ئاماژە ب وێ یەکێ ھاتیە کرن کو نھا سەلاحەدین ئازەر ل رۆژھلاتێ کوردستانێ ل باژارێ مەھابادێ د ناڤ مالباتا خوە دە دژی.

ل گۆر راپۆرتێ، ئالسۆن، ھەڤژینا بەرێ یا سەلاحەدین ئازەر و داییکا وان چار زارۆکان، د سالا ٢٠١٨ان دە ژ بۆ دیتنا زارۆکێن خوە یێن رەڤاندی، سەردانا ئیرانێ و مەھابادێ کریە، لێ نەکاریە وان ببینە و دەستڤالا ڤەگەریایە.

[mpc_carousel_image preset=”mpc_preset_8″ loop=”true” auto_slide=”true” delay=”1000″ speed=”2300″ layout=”fluid” enable_force_height=”true” force_height=”600″ images=”1016193,1016194,1016195,1016196,1016197,1016198,1016199″ gap=”5″ start_at=”1″ image_size=”large” image_opacity=”100″ image_border_css=”border-width:15px;border-color:#f3f3f3;border-style:solid;” image_hover_opacity=”100″ image_hover_border_css=”border-color:#ffffff;” overlay_icon_align=”top-right” overlay_enable_lightbox=”true” overlay_icon=”eti eti_arrow_expand” overlay_icon_color=”#df5461″ overlay_icon_size=”20″ overlay_icon_background=”#df5461″ overlay_icon_margin_divider=”true” overlay_icon_margin_css=”margin-top:30px;margin-right:30px;” overlay_icon_padding_divider=”true” overlay_icon_padding_css=”padding-top:15px;padding-right:20px;padding-bottom:15px;padding-left:20px;” overlay_hover_color=”#fcfcfc” overlay_hover_icon_background=”#f4b83f”]