هەر وەها هات ئەشکەرە کرن کو ژ بەر ئۆپەراسیۆنێ ل گوندێن داداکل، دۆنەردۆڤەر، داگدۆشو، گولبورنو و ئۆزلوپەلیتێ یێن ل سەر ناڤچەیێ ژ دەمژمێر 9:00ان پێ ڤە ھەتا ئەمرەکی دویەمین دەرکەتنا دەرڤا ھاتیە قەدەخەکرن.
ئەڤ ئۆپەراسیۆنا دەولەتا ترک ل باکورێ کوردستانێ د دەمەکی دایە کو ل باشوورێ کوردستانێ ژی د چارچووڤەیا ئۆپەراسیۆنا “چەنگی باز” و “چەنگی پلنگ” دە پێتر ژ 40 کیلۆمەترۆیان ژ خاکا هەرێما باشوورێ کوردستان ژ بال دەولەتا ترکیێ ڤە هاتیە داگیرکرن، و هەژمارەک هەری زێدە ژ گوندێن سینۆری ب سەدەما ڤێ ئۆپەراسیۆنا دەولەتا ترک ل دژی پەکەکێ هاتینە ڤالاکرن.
هات زانین کو هەیا نها ت یەک ژ وان ناڤچەیێن کو پەکەکێ ل باشوورێ کوردستانێ ب دەست دەولەتا ترکیێ ڤە بەردای، ژ بال پەکەکێ ڤە جارەکە دن ناهاتینە ستاندن، هەرچەند کو پەکەکە ب بەردەوامی د مەدیا و سۆسیال مەدیا و چاپەمەنیا خوە ب ئاوایەک گشتی وسا دیار دکە کو شەرەکی مەزن ل باشوور ل دژی دەولەتا ترکیێ ب رێڤە دبە، لێ هەیا نها دەولەتا ترکیێ هەر جیەکێ کو هەدەف کربە ژ پەکەکێ ستاندیە، پەکەکە ژی هەر کو دچە پێتر نێزی باژارێن باشوورێ کوردستانێ دبە و پێتر خەتەرەیێ ل سەر خەلکێ باژار دروست دکە.
