ب سه‌ده‌ما بۆردۆمانا ئارته‌شا تركیێ و كۆمێن چه‌كدارێن گرێدای وێ ل رۆژئاڤا كوردستانێ، 2 شه‌رڤانێن هێزێن سووریایا ده‌مۆكراتیك جانێ خوه ژ ده‌ست دا.
چاڤكانیێن پێگه‌ها داركا مازی ل رۆژئاڤا ولات ده‌ست نیشان كرن، ل شه‌ڤا ده‌رباسبوویی و ب سه‌ده‌ما بۆردۆمانا ده‌وله‌تا تركیێ و كۆمێن چه‌كدارێن گرێدای وێ، دوو شه‌رڤانێن هه‌سه‌دێ ل دۆربه‌را باژارۆكێ عه‌ین عیسایێ جانێ خوه ژ ده‌ست دا.
ئه‌شكه‌ره كر، گوندێ ب ناڤێ سەیدا یێ ل عەین عیسایێ كه‌ت به‌ر تۆپبارانێ و د ئەنجامێ دە 2 شەرڤانێن ھه‌سدێ جانێ خوە ژ دەست دان.
هه‌ر ل ڤێ ده‌ربارێ ده، نه‌رینگه‌ها سووری یا مافێن مرۆڤان ئه‌شكه‌ره كر، ل رۆژھلاتا حەلەبێ د ناڤبەرا چەکدارێن سەر ب ترکیێ و شەرڤانێن یه‌په‌گێ دە شەر دەرکەت و د ئەنجامێ دە ژی چەکدارەک ھات کوشتن.
هێزێن سووریایا ده‌مۆكراتیك ئیلان كر ئارته‌شا تركیێ ب بەردەوامی ئێریشی ناڤچەیێن وان دکە و ئاگربه‌ستا كو هه‌یه بن پێ دكه، هه‌موه‌خت ده‌ست نیشان كر كو ئارته‌شا تركیێ هێزێ ل دۆربه‌را گرێ سپیێ ژی كۆم دكه.
