باله‌فرێن جه‌نگ ئێن ده‌وله‌تا تركیێ ئیرۆ ئێریشێ باژارۆكێن دێره‌لۆك و شێلادزێ ئێن ل باشوورێ كوردستانێ كر و مۆشه‌ك ل چیایێ لینیكی و ئاقارێ گونده‌كی دانه.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كرن، نیڤرۆژا ئیرۆ 8/8/2020ان، باله‌فرێن تركیێ ئێریشێ چیایێ لینكی ئێ ل سینۆرێ باژارۆكێ دێره‌لۆكێ گرێدای ده‌ڤه‌را ئامێدیێ كر، مۆشه‌ك ل بلنداهییا چیا دانه.
ده‌ست نیشان كر، باله‌فران ل ساعه‌ت 12:40 خوله‌ك یه‌ك مۆشه‌ك ل ده‌ره‌جا هێتیتێ ل چیایێ لینكی كو دبه ئاقارێ گوندێ هێتیتا كه‌ڤن دانه.
هه‌روه‌ها هه‌ر ئیرۆ باله‌فرێن تركیێ، مۆشه‌كه ل ئاقارێ گوندێ سیته ئێ ناڤچه‌یا شێلادزێ گرێدای ده‌ڤه‌را نێروه رێكان دانه، لێ به‌لێ ئاگاهی ل ده‌ربارا زرارێن جانی تونه‌نه.
چیایێ لینكی كو دكه‌ڤه هنداڤی باژارۆكێ دێرلۆكێ، پێتری 8 جارانه ژ بال ده‌وله‌تا تركیێ ڤه پاش ئێریشا 15 مه‌ها رابووری تێ هه‌ده‌ف كرن.
