ب ڤیدیۆ.. ئێریشه‌كه هۆڤ ل ئاڤاشینێ تێ كرن
باله‌فرێن ده‌وله‌تا تركیێ د تةعقيبا حه‌ره‌كه‌تێن په‌كه‌كێ ده، جاره‌كه دن ئێریشێ باشوورێ كوردستانی كر و هه‌ژماره‌كا مۆشه‌كان ل ئاڤاشینێ دانه.
ل گۆر ئاگاهیێن ده‌ستێ مه، ژ دوهـ رۆژا یه‌كشه‌می 9/8/2020ان و هه‌یا سه‌رێ سبێ یا ئیرۆ، باله‌فرێن ده‌وله‌تا تركیێ هه‌ژماره‌كه ئێریشان ل هه‌رێمێن زاپێ و ئاڤاشینێ ئێن باشوورێ كوردستانێ پێكئانینه، زرارێن جانی ب گه‌ریلایێن په‌كه‌كێ كه‌تنه.
د ئێریشێن 24 ساعه‌تێن رابووری ده، 2 گه‌ریلایان جانێ خوه ژ ده‌ست دا، پشتره باله‌فران ل ئاڤاشینێ خست و 3 گه‌ریلا كه‌تن به‌ر ئێریشان.
ئارته‌شا تركیێ دیمه‌نێن ئێریشێن ئاڤاشینێ به‌لاڤ كرنه و ل گۆر دیمه‌نان باله‌فرێن جه‌نگ خوه‌یا دكن وه‌ختا كو ئێریشی نوقته‌یێن په‌كه‌كێ دكن.
د سێ رۆژێن رابووری ده، ل گۆر ئاگاهیێن كو تركیێ د مه‌دیایا خوه ده پارڤه كرنه، هه‌ری كێم 10 گه‌ریلا ل باكور و باشوورێ ولات كه‌تنه به‌ر ئێریشان، لێ به‌لێ هه‌په‌گێ تو ئاگاهی ل ده‌ربارا زرارێن ئارته‌شا تركیێ نه‌دانه.
