دهولهتا تركیێ و پارتییا كاركهرێن كوردستانێ ئامارێن زرارێن جانی ئێن عهسكهر و گهریلایان پارڤه كرنه، لێ بهلێ نهزلاله كیژان ئامار راستن، ل گۆر ئامارێن تركیێ، ژ دهستپێكا ئێریشا سهر باشوور 83 گهریلا هاتنه ههدهف كرن، لێ بهلێ ههپهگه دبێژه مه پێتری 500 عهسكهران كوشتنه و جهزا كرنه.
وهزارهتا پاراستنا نهتهوهیی ئا تركیێ ئیرۆ ئامارهكه زرارێن جانی ئێن پهكهكێ ل باشوورێ كوردستانێ پارڤهكرییه و تێده دبێژه: ژ رۆژا 16/6/2020ان ههیا دوهـ رۆژا یهكشهمی 9/8/2020ان، 83 گهریلا ل ناڤچهیێن ههرێما باشوور هاتنه ههدهف كرن.
ههر وها دهست نیشان كر، 267 نوقتهیێن پهكهكێ هاتنه ئیمها كرن، 359 بۆمب و مین دهست ب سهرده هاتنه گرتن.
ل همبهر ڤێ ههر چهند كو ههپهگێ تو داخویانی نهدانه، لێ ژ رۆژا دهستپێكا ئێریشا سهر باشوور، ئاژانسا فرات نیۆز ئا پهكهكێ رۆژانه نووچهیێن كوشتنا ئهسكهرێن تركان ل ههرێما باشوور پارڤه دكه.
ل گۆر فرات نیۆزێ ژ رۆژا 16 مهها خزیرانا ئیسالێ، گهریلایان پێتری 500 عهسكهرێن تركان كوشتنه و جهزا كرنه، لێ بهلێ تو ئالییهكێ دن ئهڤ ئامار و نووچهیێن پهكهكێ سهرراست نهكرنه، لێ بهلێ ههگهر ئهڤ ئامار راست بن، پێویسته كێفا ههر كوردهكی ب ئێریشا سهر باشوور وهره، ژ بهر كو ترك ب پێ یێن خوه تێن و خوه تێخن ههلاكهتێ.
ل گۆر ئاگاهیێن دهستێ مه، ژ دهستپێكا ئێریشا سهر باشوور، ئارتهشا تركیێ پێتری 15 كیلۆمهترۆیان كۆراهی كهتییه ناڤا خاكا باشوور و 28 نوقتهیێن نوو لێ ئاڤا كرنه، پهكهكێ ژی ئهو ناڤچه بێ شهر ژ بۆ ئارتهشا تركیێ ب جی هشتنه.