هەر کو دچە رەوشا کوردان ل باکورێ کوردستانێ ب تایبەتی خەلکێ گوندان دژوارتر دبیت، ئەڤ رەوش ب رەنەگەکێ خەتەر بوویە کو خەلکێ گوندان ژ بەر رەوشا خوە یا ئابووری یا خەراب نکارن پەرەیێ کارەبێ ژی بدەن، هەر ژ بەر ڤێ یەکێ ئەڤ ژ مەها گۆلانێ ڤر دە کارەب ل 100 گوندان هاتیە برین.
پشتی کو هەژمارەک ژ خەلکێ گوندێن باکورێ کوردستانێ ب تایبەتی گوندیێن ناڤچەیا مێردینێ نەکارین ژ بەر هەژاریێ و رەوشا ئابووری یا خەراب پەرەیێ کارەبێ بدن، شیرکەتا بەلاڤکرنا کارەبێ ژی کارەب ل سەر ڤان گوندان قوت کریە و ئەو بێ کارەب هشتینە.
شیرکەتا بەلاڤکرنا کارەبێ یا دیجلەیێ (دەداش)، ژ مەھا گولانێ ڤە کارەبا زێدەتری ١٠٠ گوندێن ناڤچەیێن مێردینێ ب هەجەتا کو دەینێ وان ھەیە برییە. پشتی کو هنەک پارلامانتاران ئەڤ یەک بربوو رۆژەڤا مەجلیسێ و سەدەما برینێ ژ وەزارەتا چاڤکانیێن خوەزایی و ئەنەرژیێ پرسی بوو، وەزارەتێ بەرسڤ دا و برینا کارەبێ ب کارەکی گونجایی زانی و راگهاند کو کارەبا کەسێن کو دەینێ وان ھەنە ب تەنێ تێ برین.
