د بەردەوامییا ئێریشێن ئاسیمانی یێن دەولەتا ترکیێ بۆ سەر پێگهـ و ستارگەهێن پارتییا کارکەرێن کوردستانێ ل ناڤا ئاخا باشوورێ کوردستانێ دە ئیرۆ باله‌فرێن ترکیێ ناڤچه‌یێن چیایی ئێن ده‌ڤه‌را به‌رواری بالا هه‌ده‌ف كرن.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كرن، ئیرۆ رۆژا سێشه‌می 11/8/2020ان، ل دەمژمێر 12:45 باله‌فرێن جه‌نگ ئێن ده‌وله‌تا تركیێ بلنداهیێن زڤنگێ ل چیایێ “گابنیرکێ” کو دکەڤە دناڤبەرا ئاقارێ گوندێ “ئاسهێ و میرگاجیا” ل ناحییا کانی ماسێ، دەڤەرا بەروارییان هەدەف کر.
ئەڤ یەک د دەمەکیدایە کو ئیرۆ باله‌فران ئێریشی چیایێ مه‌تینی و ناڤچەیا برادۆست كر و هه‌ژماره‌كه مۆشه‌كان ل نوقته‌یێن په‌كه‌كێ خستن، ئاگاهی وها هاتن ئیلان كرن كو دوو گه‌ریلایێن په‌كه‌كێ ل چیایێ مەتین جانێ خوه ژ ده‌ست دان، هەروەها هەژمارەک ژ فەرماندارێن لەشکری یێن پاسەوانێن سینۆری یێن عیراقێ ژی کو ژ بۆ هشداری دان ب پەکەکێ چووبوون جەم پەکەکێ ژ بال بالەفرەکە بێ پیلۆت ئا ترکیێ ڤە هاتن هەدەفکرن و جانێ خوە ژ دەست دان.
