دیمه‌نێن داوی ئێریشا سه‌ر زاپێ

ئێریشێن ده‌وله‌تا تركیێ ئێن ل دژی په‌كه‌كێ ل باشوورێ كوردستانێ ده‌وام دكن، باله‌فران ئیرۆ ل هه‌رێما زاپێ خست و زرارێن جانی ب په‌كه‌كێ كه‌تنه‌.

ل گۆر ئاگاهیێن ده‌ستێ مه‌، ئیرۆ رۆژا چارشه‌می 12/8/2020ان، باله‌فرێن جه‌نگ ئێن تركیێ، د ته‌عقیبا حه‌ره‌كه‌تێن په‌كه‌كێ ده‌، هنه‌ك ناڤچه‌یێن هه‌رێما زاپێ ئا ل باشوورێ ولات بۆردۆمان كرنه‌ و زرار ب گه‌ریلایان خستنه‌.

وه‌زاره‌تا به‌رگریێ ئا تركیێ ل حه‌سابا خوه‌ ئا تویته‌رێ، دیمه‌نێن ڤێ ئێریشێ پارڤه‌ كرنه‌ و ل گۆر دیمه‌نان باله‌فرێن جه‌نگ خویا دكن وه‌ختا كو مۆشه‌كان ل بلنداهیێن هه‌رێما زاپێ دخن و ئاگر و دۆمانه‌كه‌ پر مه‌زن ل ور بلند دبه‌.

د داخویانییا تركیێ ده‌ به‌حسا زرارێن جانی ئێن ئه‌سكه‌ران ژی هه‌یه‌، لێ به‌لێ تو هه‌ژمارێن ده‌ست نیشان كری ئێن كوشتیێن خوه‌ ب ده‌ستێ په‌كه‌كێ ئه‌شكه‌ره‌ نه‌كرنه‌.

تركیێ ژ رۆژا 15 مه‌ها خزیرانا ئیسالێ، ئێریشا مه‌زن ئا ل سه‌ر په‌كه‌كێ ل باشوورێ كوردستانێ دایه‌ مه‌شاندن، ژ وێ رۆژێ ڤه‌، په‌كه‌كه‌ ژ جیێن خوه‌ ئێن ل حه‌فته‌نین و زاپێ شوونده‌ ڤه‌كشیایه‌ و پێتر نێزی گوندان بوویه‌، شێنیێن گوندان ژ ڤێ هه‌نگاڤا په‌كه‌كێ دلگران بوونه‌ ژبه‌ر كو ناڤچه‌یێن وان بوونه‌ مه‌یدانا شه‌ر.