چه‌ته‌ سڤیلێن عه‌فرینێ ژ بۆ په‌ره‌یان دره‌ڤینن

چه‌ته‌ سڤیلێن عه‌فرینێ ژ بۆ په‌ره‌یان دره‌ڤینن

پێنج شێنیێن دن ئێن هه‌رێما عه‌فرینێ ئا رۆژئا كوردستانێ ژ بال كۆمێن چه‌ته‌یێن گرێدای تركیێ هاتن ره‌ڤاندن، ئه‌ڤ ژی دبه‌ رۆژا 3یان د ڤێ حه‌فته‌یێن ده‌ كو بوویه‌رێن ره‌ڤاندنێ ل ور چێدبن.

ل گۆری ئاگاهیێن ده‌ستێ مه‌، كۆمێن چه‌ته‌یێن گرێدای تركیێ ب ته‌یبه‌ت یێن گرۆپا حه‌مزات و به‌ریا شامی یه‌، ل گوندێ بریمجە ئێ ناڤچەیا ماباتایێ، پێنج سڤیلێن ب ناڤێ ئەحمەد بەکر، نەجمه‌ددین بەتال، محەمه‌د نوور سەیدۆ، عیسام محەمەد مووسا و مستەفا سەیدۆ رەڤاندنه‌.

جینایه‌تا سڤیلێن كو ھاتنە رەڤاندن نایێ زانین، لێ به‌لێ ئه‌ڤ دبه‌ نێزی مه‌هه‌كێ، كۆمێن چه‌ته‌یان شێنیێن وێ هه‌رێما رۆژئاڤا ولات د ره‌ڤینن و ژ بۆ سه‌ربه‌ست به‌ردانا وان،  داخوازا په‌ره‌یان ب قاسی  200 هه‌زار لیره‌یێن سووری دكن.

د 24 ساعه‌تێن رابووری ده‌، كاله‌مێره‌كێ دن ئێ بلبلا ناڤچه‌یا عه‌فرینێ هاتبوو ره‌ڤاندن، هه‌ر وها جه‌سه‌دێن ژنه‌كێ و زارۆیه‌كێ پاش 2 رۆژا ژ ره‌ڤاندنا وان هاتبوون دیتن.