ل دۆربه‌را بدلیسێ 3 گه‌ریلا كه‌تن به‌ر ئێریشان

ل دۆربه‌را بدلیسێ 3 گه‌ریلا كه‌تن به‌ر ئێریشان

ئارته‌شا تركیێ ئیرۆ ئێریشه‌كه‌ ل دۆربه‌را پارێزگه‌هییا بدلیسێ ئا باكورێ كوردستانێ پێكئانی و د ئه‌نجامێ ده‌، 3 گه‌ریلا هاتن هه‌ده‌ف كرن.

ل گۆر ئاگاهیێن ده‌ستێ مه‌، ئیرۆ رۆژا پێنجشه‌می 13/8/2020ان، ئارته‌شا تركیێ و هێزا جه‌ندرمه‌یان ب پشتگرییا باله‌فرێن كۆبه‌را، ئێریشه‌ك ل دۆربه‌را پارێزگه‌هییا بدلیسێ ل دژی په‌كه‌كێ كر و د ئه‌نجامێ ده‌، 3 گه‌ریلا جانێ خوه‌ ژ ده‌ست دا.

ئیرۆ ل ناڤچه‌یا گه‌ڤه‌رێ ئا ده‌ڤه‌را هه‌كاریێ ژی، ئێریش ل سه‌ر په‌كه‌كێ هات ئه‌نجام دایین و ب وێ سه‌ده‌مێ 3 گه‌ریلا ل ور ژی هاتن هه‌ده‌ف كرن.

د دوو رۆژێن رابووری ده‌، ته‌نێ ل باكورێ كوردستانێ پارتییا كاركه‌رێن كوردستانێ په‌كه‌كێ 6 گه‌ریلایێن خوه‌ ژ ده‌ست دانه‌، لێ به‌لێ هه‌یا نها هه‌په‌گێ تو ئاگاهی ل ده‌ربارا ڤێ مژارێ نه‌دانه‌.