ژ بەر کو قەدەغەیا دەرکەتنا کۆلانان ل ٣٦ گوندێن بەدلیسێ ھات ئیلانکرن، گوندی نکارن حەیوانێن خوە ببن مێرگان و بدن چەراندن.
هات راگهاندن ژ بەر ئۆپەراسیۆنێن کو دەولەتا ترکیێ ل دژی پەکەکێ ب رێڤە دبە ل باکورێ کوردستانێ ژ بەر قەدەغەیا دەرکەتنا کۆلانا یا کو دەولەتا ترکیێ ل ٣٦ گوندێن بەدلیسێ رۆژا سێشەمێ ئیلان کری گوندی نکارن حەیوانێن خوە ببن مێرگان و وان بچەرینن.
ژ بەر ڤێ یەکێ گوندی نەچار مان کو گییا و کایا د دەستێ خوە دە ب کار بینن داکو حەیوانێن وان نەمرن. گوندیان، دیار کرن کو گەر قەدەغەیا دەرکەتنا کۆلانان دەوام بکە، وێ گییایێ عەمبارکری ژی خەلاس ببە و نکارن حەیوانێن خوە خوەدی بکن. گوندیان، دان زانین کو گەر وسان دەوام بکە، ئەوێ ژ مەجبووری حەیوانێن خوە بفرۆشن.
گوندیان، دا زانین کو ژ رۆژا قەدەغە ھاتیە راگەهاندن ڤە گولە ل قادێن ب دارستان تێن رەشاندن و دبە کو ھەر کێلی ل قادێن دارستان شەوات روو بدە. گوندیان راگھاندن کو بالافرێن شەر ژی، ب ئاوایەکێ کەتۆبەر ھەرێمێ بۆمبەباران دکن.
