پەکەکە پێناس و وێنەیێن قوربانیێن ئێریشا شارباژێر ئەشکەرە دکە
فەرماندارییا یەکینەیێن پاراستنا رۆژهلاتێ کوردستانێ- یەرەکە ئا سەر ب پارتییا کارکەرێن کوردستانێ- پەکەکێ، د راگهاندنەکێ دە پێناس و وێنەیێن 7 کەسێن کو د ئێریشا بالەفرێن دەولەتا ترکیێ بۆ سەر ناڤچەیا شارباژێر ئا نێزیک چیایێ باڵۆسە جانێ خوە ژ دەست دای کو پڕانیا وان خەلکێ رۆژهلاتێ کوردستانێ نە ئەشکەرە دکە.
7ی ڤێ مەهێ بالەفرێن دەولەتا ترکیێ د دو دەمێن جودا دە سینۆرێ قەزایا ماوەت ل پارێزگەها سلێمانیێ بۆردۆمان کر و پشترە وەزارەتا بەرگری یا ترکیێ ژی راگهاند کو “ئەو کارینە 7 چەکدارێن پەکەکێ ل نێزی باژارۆکێ ماوەت هەدەف بکن.
ل گۆری وان پیناس و وێنەیان بە کو پەکەکێ د رووپەلا فورات نیۆز دە بەلاڤکری پڕانیا کەسێن بوویە قوربانی خەلکێ رۆژهلاتێ کوردستانێ نە، لێ بەلێ پەکەکە دبێژە کو کەسێن بوویە قوربانی ژ هەرچار پارچەیێن کوردستانێ نە.
ناڤێن وان 7 کەسێن د ئێریشێ دە هاتیە هەدەفکرن ئەڤن
سونگول دیلمان ب کۆدناڤێ «ئۆزگور کوردستان» ل سالا 2015ان دە تەڤلی رێخستنا پەکەکێ بوویە و ل 7/8/2020ان جانێ خوەژ دەست دایە.
دۆزگین عومەر ب کۆدناڤێ «رۆژبین گولنار» ل سالا 2015ان دە تەڤلی رێخستنا پەکەکێ بوویە و ل 7/8/2020ان جانێ خوە ژ دەست دایە.
ئارەزوو موحەمەدی ب کۆدناڤێ «بێریوان تاقەدار» ل سالا 2016ان تەڤلی رێخستنا پەکەکێ بوویە و ل 7/8/2020ان جانێ خوە ژ دەست دایە.
ئەسرین خەلیل ب کۆدناڤێ «شیلان شۆڕش شاهۆز» ل سالا 2015ان تەڤلی ریخستنا پەکەکێ بوویە و ل 7/8/2020ان جانێ خوە ژ دەست دایە.
دیلان مەحموود ب کۆدناڤێ «وەژین دۆغان کوردستان» ل سالا 2017ان تەڤلی رێخستنا پەکەکێ بوویە و ل 7/8/2020ان جانێ خوە ژ دەست دایە.
فەرهاد خدر لەکی ب کۆدناڤێ «رێزان کوردستان» ل سالا 2015ان تەڤلی رێخستنا پەکەکێ بوویە و ل 7/8/2020ان جانێ خوە ژ دەست دایە.
مەدینە شێخۆ ب کۆدناڤێ «ئەیلەم جودی» ل سالا 2018ان تەڤلی رێخستنا پەکەکێ بوویە و ل 7/8/2020ان جانێ خوە ژ دەست دایە.
