ل زانینگەھا سەلاحەدین بەشا ئەندەزیاریا فرۆکەڤانیێ تێ ڤەکرن

سەرۆکاتیا زانینگەھا سەلاحەدین بریار دا، بەشا زانستی یا ئەندەزیاریا فرۆکەڤانیێ ل فاکولتەیا ئەندەزیاریێ وەرە ڤەکرن.

زانینگەھا سەلاحەدین د فەرمانەکە زانینگەھێ دە کو ئیمزەیا سەرۆکێ زانینگەھێ ل سەرە، دیار دکە: “ل گۆر دەستھلاتا کو ژ مە رە ھاتیە دایین، مە بریار دا، د فاکولتەیا مەیا ئەندەزیاریێ دە، ژ بۆ سالا پەروەردەھیێیا ٢٠٢٠-٢٠٢١ێ، ب ھەڤبەشیا زانینگەھا National Aviation ئا ئوکرانیایێ، بەشا زانستی یا ئەندەزیاریا فرۆکەڤانیێ (Aviation Engineering) وەرە ڤەکرن.”

سەرۆکێ زانینگەھا سەلاحەدین ھەروھا د فەرمانا خوە دە ئەشکەرە کریە: “دو سالێن ئەولێن پەروەردەھیێ دێ ل زانینگەھا سەلاحەدین ببە و دو سالێن دویەم ژی ل زانینگەھا National Aviation ئا ئوکراینی دێ وەرە خوەندن.”