وه‌لاتیێن سه‌رێ كانیێ ئیرۆ ل دژی تركیێ خوه‌پێشاندان كرن و خوه‌ستن ده‌ستدرێژیێن كۆمێن چه‌كداران ل دژی سڤیلان بهێنه راوه‌ستاندن.
ئیرۆ رۆژا دوشه‌مبێ 17/8/2020ان، هه‌ژماره‌كا زۆر یا وه‌لاتیێن باژارێ سه‌رێ كانیێ یێ رۆژئاڤا كوردستانێ، ل ده‌ریێ ئالیێ تركیێ خوه‌پێشاندان كرن و خوه‌ستن ده‌ستدرێژی و ئێریشێ كۆمێن چه‌كدارێن گرێدای تركیێ یێن د راستا وه‌لاتیێن سه‌رێ كانیێ دا، بهێنه راوه‌ستاندن.
د خوه‌پێشاندانێ دا، گه‌لێ نه‌رازی خوه‌ستن خزمه‌تگوزاریێن ئاڤ و كاره‌بێ ژی ژ بۆ وان بهێن دابین كرن كو ئه‌ڤ ده‌ما حه‌فتییه‌كێ یه، ب سه‌ده‌مه‌كا نه‌دیار ژ وان هاتینه قوت كرن.
ل گۆر نه‌رینگه‌ها سووری، هێزێن ب ناڤێ پۆلیسێن له‌شكری ئیرۆ ب سه‌ر هه‌ژماره‌كا مالێن وه‌لاتیێن سه‌رێ كانیێ دا گرتییه، ب به‌هانه‌یا وێ یه‌كێ كو ئه‌و ل هنده‌ك داخوازكرییان دگه‌رن، هه‌موه‌خت هات ده‌ست نیشان كرن وان بێ رێزی ژی ب وان مالان كرنه كو ب سه‌ردا گرتنه.
