ئەو عەشیرەتێن کو دەما داعشێ هێرشی باژارێ شنگالێ کری و ئێزدی جینۆسایدکری دگەل داعشێ بوون و ئێزدی جینۆساید کری، نها دگەل پەکەکێ نە، و پەکەکە ریزێ ل وان دگریت.
د سالڤەگەرا کوشتنا زەکی شنگالی (ئیسماعیل ئۆزدەن) ئەندامێ کۆنسەیا رێڤەبەر یا کەجەکێ و ئەندامێ کۆردیناسیۆنا جڤاکا ئێزدی دا کو ژ لایێ بالەفرێن ترکیێ ڤە هاتبوو هەدەفکرن و کوشتن، پەکەکێ رێز ل وان سەرۆک عەشیرێن عەرەبان گرت کو هاریکارییا داعشێ کربوو و ئێزدی جینۆساید کربوون.
د هێرشا کو داعشێ ل رۆژا 3/8/2014ان دا ل سەر کوردێن ئێزدی ل شەنگالێ ئەنجامدای، هەژمارەک ژ عەرەبێن شەنگالێ و دەردۆرا وێ ژی بەشدار بوون و ئێزدی کۆمکوژ کرن، زارۆکێن وان کوشتن و ژن و کچێن ئێزدی ل بازاران فرۆتن، چ تشتەک نەما کو وان عەرەبان ل دژی ئێزدیان ئەنجام نەدای، لێ نها هەر ئەو عەرەب، هەر ئەو سەرۆک عەشیر ژ لایێ پەکەکێ ڤە رێز لێ دهێتە گرتن وەکو کو چ تاوانەک دەرحەق ئێزدیان ئەنجام نەدابیت.
ئێزدی ددەن خوەیا کرن ئەو عەرەبێن کو ل دەما هێرشا داعشێ دە ژن و کچێن شنگالێ رەڤاندی و د بازاران دە فرۆتی، پشتی ئازادییا شنگالێ ژ ئالیێ پێشمەرگەیێن کوردستانێ ڤە، خواست ب رێیەکێ ژ رێیان جارەکا دی روویێن خوە یێن رەش سپی بکن، لێ بەلێ گەلێ ئێزدی وان باش ناس دکەت و چ جاران وان قەبوول ناکەن، ئەو عەرەب نها دخوازن ب رێیا پەکەکێ روویێن خوە سپی بکن، لێ بلا پەکەکە و ئەو عەرەب باش بزانن، برینا مە هند کوورە کو ب ڤان نەماییشان دەرمان نابیت.
