هەرچەند دەم دچیت پتر روویێ راست و مەبەستا سەرەکی یا کۆما ئەنقەرێ یا د ناڤا پارتییا کارکەرێن کوردستانێ- PKKێ دیاردبیت و دیار دبیت مەبەستا وان یا سەرەکی ئالۆزکرنا رەوشا باشوورێ وەلاتی ب گشتی و ژناڤبرنا ستاتۆیا باشوورێ کوردستانێ یە.
ئێک ژ رێڤەبەرێن پەکەکێ کو د ناڤا گرووپا بەرنیاس ب گرووپا ئەنقەرێ د ناڤا پەکەکێ دایە د دوماهی دەرکەفتنا خوە یا میدیایی دا، ب دەنگەک بلند و ئاشکرا و ب زمانێ ترکێ داخازا شەری ل دژی پارتی کر.
موستەفا کاراسو، ب ئاوایەکێ ئاشکرە باس ل شەر و پەڤچوونێن راستە راست ل دژی پارتی دکەت، کاراسو د ڤیدیۆیەکێ دا دەردکەڤیت و تێدا بانگا کو دڤێت ملەتێ کورد ل دژی پارتی و بارزانیان رابیتە سەر خۆ و خۆ د وان وەربکەت، دکەت.
ل گۆر کاراسو و ھەڤالێن وی یێن د ناڤا گرووپا ئەنقەرێ دا کو ب کەسێن دژە کورد دهێنە ناسکرن، پەدەکە دگەل دەولەتا ترکان بوویە ئێک و پێکڤە ل دژی پەکەکێ شەری دکەن، کاراسو دبێژیت ئارمانجا پەدەکێ یە کو پەکەکێ ژ ناڤ ببەت. و ئەو ژی دێ ل دژیی پەدەکێ شەرەکی راستە راست ئەنجام دەن.
