پارتییا كاركه‌رێن كوردستانێ ئیرۆ 3 گه‌ریلایێن خوه ل باكورێ كوردستانێ ژ ده‌ست دان، وه‌ختا كو ل سنۆرێ خه‌تایێ كه‌تینه به‌ر ئێریشێن جه‌ندرمه‌یان.
ل گۆر داخویانییا وه‌زاه‌تا كارێن ناڤخۆ یا تركیێ، ئیرۆ رۆژا شه‌می 22/8/2020ێ، هێزێن تركیێ ئۆپه‌راسیۆنه‌كا مه‌زن ل سنۆرێ پارێزگه‌هییا خه‌تایێ ئه‌نجام دایه و ب وێ سه‌ده‌مێ شه‌ر ل گه‌ل گه‌ریلایێن په‌كه‌كێ ده‌ركه‌ت و زیانێن جانی گه‌هشتن په‌كه‌كێ.
ده‌ست نیشان كر، د ئه‌نجامێ په‌ڤچوونێ دا، 3 گه‌ریلایێن په‌كه‌كێ جانێ خوه ژ ده‌ست دان.
د ئۆپه‌راسیۆنێ دا جه‌بلخانه‌یێن په‌كه‌كێ، چه‌كێن M-16 و خوارن و ئالاڤێن ژیانێ ده‌ست ب سه‌ردا هاتن گرتن.
ئارته‌شا تركیێ ئه‌ڤ ده‌مێ دو حه‌فتییانه ئۆپه‌راسیۆن ل باكورێ كوردستانێ ل دژی په‌كه‌كێ ده‌ست پێ كرینه، ئۆپه‌راسیۆنا ئیرۆ ناڤێ یلدرم-5 لێ كرنه.
