ل گرێ سپی خۆپێشاندان ژ بۆ ژنه‌كێ دهێنه‌ كرن

 ل گرێ سپی خۆپێشاندنان ژ بۆ ژنه‌كێ دهێنه‌ كرن

ب ده‌هان وه‌لاتیێن باژارێ گرێ سپی یێ رۆژئاڤایێ كوردستانێ ئیرۆ ده‌ركه‌تن سه‌ر جادده‌یان و خۆپێشاندان ل دژی میلیشیایێن گرێدای تركیێ كرن.

ل گۆر نه‌رینگه‌ها سووری یا مافێن مرۆڤان، ئیرۆ رۆژا چارشه‌می 26/8/2020ان، ب ده‌هان وه‌لاتیێن باژارێ گرێ سپی كو پرانی ژێ ژن بوونه‌، داكه‌تن جادده‌یان و سلۆگان ل دژی میلیشیایێن گرێدای تركیێ بلند كرن.

ئه‌ڤ خۆپێشاندان ژ بۆ ژنه‌كا كورد هاتنه‌ كرن كو دوهـ رۆژا سێشه‌می میلیشیایێن به‌ره‌یا شامییه‌ ب سه‌ر مالا وێ دا گرتنه‌ و ب دژواری لێداینه‌.

خۆپێشانده‌ران داخوازا جه‌زا كرنا وان چه‌كداران كرن و هه‌موه‌خت ژ كارلادانا به‌رپرسیارێ پۆلیسێن گرێ سپیێ كرن.

ل گۆر نه‌رینگه‌ها سووری، دوهـ رۆژا سێشه‌می شه‌ر و په‌ڤچوون ب سه‌ده‌ما وێ ژنێ ل نێڤبه‌را پۆلیسێن له‌شكری و چه‌كدارێن به‌ره‌یا شامییه‌ چێبوویه‌ و هه‌یا نها ره‌وش ل ناڤه‌ندا باژار پر ئالۆزه‌.

پوستێن ھەمان بەش