رژێما ئیرانێ ٢ کۆلبەرێن دی ژی ب گرانی بریندار کرن

رژێما ئیرانێ ٢ کۆلبەرێن دی ژی ب گرانی بریندار کرن

 پاسدارێن رژێما ئیسلامی یا ئیرانێ دیسا کۆلبەرێن کورد گولەباران کرن و ٢ کۆلبەر ب گرانی بریندار بوون.

پاسدارێن گرێدایی رژێما ئیسلامی یا ئیرانێ ئێڤاریا رۆژا ئەینی 28/8/2020ان ل سنۆرێن باژێرۆکێ نەوسەد و سەردەشتێ ل رۆژهەلاتێ کوردستانێ دیسا کۆمەک ژ کۆلبەرێن کورد گولەباران کرن و د ئەنجاما گولەبارانێ دا ٢ کۆلبەرێن کورد بریندار بوون.

ئێک ژ ڤان کۆلبەران نەریمان سوبحانی خەکێ گوندێ “ساولاوا” ل سینۆرێ کرمانشانێ بریندار بوو و کۆلبەرێ دن ژی ب ناڤێ “خدر” خەلکێ گوندێ “داوداوودی” ل سنۆرێ سەردەشتێ ب گرانی بریندار بوون.

هاتە راگهاندن کو ئەڤ دو کۆلبەرێن کورد ب مەرەما وەرگرتنا چارەسەرییێن پزیشکی هاتینە رەوانەکرن ژ بۆ ناڤەندێن تەندروستیێ ل هەر دو باژێرێن مەریوان و سەردەستێ.