سوپایێ تركیێ ئیرۆ دهست ب ئۆپهراسیۆنهكا سهربازی یا مهزن ل دژی پارتییا كاركهرێن كوردستانێ ل سنۆرێ مێردینێ یا باكورێ كوردستانێ كر، ب سهدان عهسكهر تێدا بهشدارن.
ل گۆر داخویانییا وهزارهتا كارێن ناڤخۆ یا تركیێ، ئیرۆ رۆژا سێشهمی 1/9/2020ێ، قۆناغا 8ێ ژ ئۆپهراسیۆنا ب ناڤێ یلدرم ل دژی پهكهكێ ل سنۆرێ پارێزگهها مێردینێ دهست پێ كر، 831 عهسكهر، جهندرمه و گوند پارێز و 122 تێمێن تایبهت تێدا بهشدارن.
وهزارهتا ناڤخۆ دهست نیشان كر، د قۆناغێن 1 ههتا 7 یا ئۆپهراسیۆنا یلدرم دا كو ل لجێ یا ئامهدێ، ئاگری و دهڤهرا ههكاریێ بوون، ههری كێم 38 گهریلا جانێ خۆ ژ دهست دانه.
ناڤهندا چاپهمهنی و راگههاندنێ یا ههپهگێ بالێ سهربازی یێ پهكهكێ، ئاگاهی ل دهربارا ڤێ ئێریشێ بهلاڤ نهكرنه، لێ بهلێ ل رۆژێن رابووری كوشتنا 9 عهسكهرێن ترك ل ناڤچهیێن كو ئۆپهراسیۆنا یلدرم لێ هاتییه كرن راگههاندبوو.
