ل عەفرینێ لیوایەکا نوو بۆ لیبیایێ دهێتە ئاڤاکرن

ل عەفرینێ لیوایەکا نوو بۆ لیبیایێ دهێتە ئاڤاکرن

ل ھەرێما عەفرینێ یا رۆژاڤایێ کوردستانێ لیوایەکا نوو ژ چەکدارێن ئەمشاتی یێن سەر ب ئۆپۆسزیۆنا سووریێ و ترکیا ڤە دهێتە ئاڤاکرن و بریارە ئەو چەکدار بۆ لیبیا بهێنە شاندن.

رێکخستنا مافێن مرۆڤان یا عەفرینێ راگەھاند، کو ئەفسەرێ ب ناڤێ عەبدولمئون ئەبوو خالد، کو خەلکێ باژێرێ درعایێ یە، پشتی کو دەست ژ کارێ پۆلیسێن لەشکەری ل جندرێسێ بەردای، نھا لیوایەکا نوو ژ چەکدارێن ئەمشات ئاڤا دکەت.

ل گۆری ھەمان چاڤکانیێ، حەتا نھا نێزیکی ١٥٠ چەکدار هاتینە کۆم کرن و پرانیا وان خەلکێ درعایێ نە.

بریارە پشتی کو ئەو لیوا ب تەمامی دهێتە پێکئانین، ژ بۆ پاراستنا خالێن لەشکەری یێن ترکیێ ل لیبیایێ بهێنە شاندن.

ھەروھا راگھاندن کو مووچەیێ هەیڤانە یێ وان چەکدارن نێزیکی ١٥٠٠ دۆلارانە.