شاندا ھەرێما کوردستانێ ژ بۆ تەمامکرنا گۆتووبێژێن ناڤبەرا ھەولێر و بەغدا یێن ل سەر چارەسەر کرنا کێشەیان، ب سەرۆکاتیا قوباد تالەبانی، جیگرێ سەرۆکێ ھەرێما کوردستانێ سبە سەردانا بەغدایێ دکەت.
سەمیر ھەورامی، بەرپرسێ ئۆفیسا راگھاندنێ یا قوباد تالەبانی ژ کوردستان24ێ رە راگھاند کو شاندا بلندا حکوومەتا ھەرێما کوردستانێ ب سەرۆکاتیا قوباد تالەبانی، دێ مژارێن ل سەر بودجە و مووچەیێن کوردستانێ ل گەل رایەدارێن حکوومەتا ئیراقێ گۆتووبێژ بکه‌ن.
سەردانا شاندا بلندا حکوومەتا ھەرێما کوردستانێ د دەمەکێ دا یە کو مستەفا کازمی، سەرۆکوەزیرێ ئیراقێ د سەردانا خوە یا واشنگتۆنێ دا داخواز کربوو کو پشتی ڤەگەرا ئیراقێ، شاندا کوردستانێ سەردانا بەغدایێ بکەت ژ بۆ دەستپێکرنا گۆتووبێژان و گھشتنا رێکەفتنەکا داوی.
ھەفتەیا بۆری ژی شاندا ھەرێما کوردستانێ ژ بۆ گۆتووبێژێن ل سەر پرۆژە بودجەیا سالا بێ یا ئیراقێ ل بەغدایێ بوو.
كوردستان 24
