پارتییا كاركه‌رێن كوردستانێ، ئیرۆ دوو گه‌ریلایێن خوه ل باكورێ كوردستانێ ژ ده‌ست دان، وه‌ختا كو ل سینۆرێ وانێ كه‌تینه به‌ر ئێریشێن ده‌وله‌تا تركیێ.
ل گۆر ئاگاهیێن ده‌ستێ مه، ئیرۆ رۆژا شه‌می 5/9/2020ان، شه‌ر ل دۆربه‌را پارێزگه‌هییا وانێ یا باكورێ كوردستانێ ل نێڤبه‌را جه‌ندرمه‌یێن ترك و گه‌ریلایێن په‌كه‌كێ قه‌ومی، د ئه‌نجامێ دا دوو گه‌ریلایان جانی خوه ژ ده‌ست دا.
سوپایێ تركیێ د به‌رده‌وامییا ئۆپه‌راسیۆنێن كو ل باكورێ كوردستانێ دده‌ته مه‌شاندن، ئیرۆ ل ناڤچه‌یا چاتاك یا گرێدای وانێ، ده‌ست ب ئێریشان كرییه، باله‌فرێن جه‌نگ د ئێریشان دا هاتنه بكارئانین.
ده‌وله‌تا تركیێ ئه‌ڤ ده‌ما دوو حه‌فتییانه ده‌ست ب ئۆپه‌راسیۆنه‌كا مه‌زن ل باكورێ كوردستانێ ل دژی په‌كه‌كێ كرییه، ناڤێ یلدرم ل ڤێ ئۆپه‌راسیۆنێ كرنه كو هه‌یا نها 9 قۆناغێن وێ برێڤه‌چوونه و ب ته‌ڤاهی 40 گه‌ریلا تێدا جانێ خوه ژ ده‌ست دانه، هه‌موه‌خت 11 عه‌سكه‌رێن ترك بده‌ست گه‌ریلایان هاتنه كوشتن، ئه‌ڤ ل گۆر ئامارێن سوپایێ تركیێ و هه‌په‌گێ.
