بەردەڤکێ ھەڤپەیمانیێ: د شەرێ داعشێ دا ھەرێما کوردستانێ رۆلەکێ بەرچاڤ ھەبوویە

بەردەڤکێ ھەڤپەیمانیێ: د شەرێ داعشێ دا ھەرێما کوردستانێ رۆلەکێ بەرچاڤ ھەبوویە

میلەس جاگگنس، بەردەڤکێ ھەڤپەیمانیا ناڤدەولەتی یا ل دژی داعشێ راگھاند: “ھەرێما کوردستانێ د شەرێ ل دژی داعشێ دا رۆلەکێ بەرچاڤ گێرایە.” ھەروھا ئاشکەرا کر: “ھەڤپەیمانیا ناڤدەولەتی دێ ل ھەولێرێ ناڤەندەکا شێورمەندیێ ڤەکەت.”

بەردەڤکێ ھەڤپەیمانیا ناڤدەولەتی یا ل دژی داعشێ د پرێش کۆنفەرانسەکێ دا دیار کر: “ئەمریکا و ھەڤپەیمانیا ناڤدەولەتی دەستا ژ ئەرکێن خوە ناڤەکێشن، لێ دێ شێوازێ خەباتا خوە گوهەرن.”

میلەس جاگگنس دەستنیشان کر: “ژ دەستپێکا ڤەخوەندنا ھەڤپەیمانیا ناڤدەولەتی ژ لایێ ئیراقێ ڤە ژ بۆ شەرکرنا ل دژی داعشێ، ھەرێما کوردستانێ رۆلەکێ بەرچاڤ و گرینگ گێرایە. ئەم شییاین د ناڤ شەش سالێن بۆری دا ٧ ملیۆن و ٧٠٠ ھەزار کەسان ژ دەستێ داعشێ رزگار بکەین و ١١٠ ھەزار کیلۆمەترێن چارگۆشە کۆنترۆل بکەین.”

جاگگنس ئاشکەرە کر: “ھەڤپەیمانیا ناڤدەولەتی ل ئیراق و سووریێ ٣٥ ھەزار ئێریشێن ئەسمانی ل سەر چەکدارێن داعشێ ئەنجام دایینە.”

میلەس جاگگنس دیار کر: “ئەم ل ھەولێرێ ب ڤەکرنا ناڤەندەکا شێورمەندیێ ڤە مژوولین، دا کو ھەماھەنگیێ د گەل ناڤەندا شێورمەندییا بەغدایێ دا بکەین.”

بەردەڤکێ ھەڤپەیمانیا ناڤدەولەتی ھەروھا ئاشکەرا کر: “ئەمریکا و ھەڤپەیمانیا ناڤدەولەتی دەستا ژ ئەرکێن خوە ناڤەکێشن، لێ دێ شێوازی خەباتا خوە گوهەرن بۆ هاریکارییا ھێزێن ئیراقێ و پێشمەرگە، ب مەبەستا ژناڤبرنا شانەیێن نڤستی یێن داعشێ.”