ژ بۆ لهه‌ڤهاتنا داویێ ل نێڤبه‌را حكوومه‌تا ئیراقێ و حكوومه‌تا باشوورێ كوردستانێ ل سه‌ر پرسێن بودجه‌یا ولات و دارایێ، شاندا حكوومه‌تا باشوورێ كوردستانێ ئیرۆ گه‌هشته به‌غدایێ.
ل گۆر ئاگاهیێن ده‌ستێ مه، ئیرۆ رۆژا سێشه‌میێ 8/9/2020ان، شاندا دانوستاندكار یا حكوومه‌تا باشوورێ كوردستانێ ب سه‌رۆكاتییا قوباد تاله‌بانی جێگرێ سه‌رۆك وه‌زیرێ حكوومه‌تا باشوور گه‌هشته به‌غدایێ، ئه‌ڤ سه‌ردان ژ بۆ لهه‌ڤهاتنا داویێ یه ل سه‌ر پرسێن بودجه‌ی و دارایی یێن نێڤبه‌را هه‌ولێر و به‌غدایێ.
د ڤێ ده‌ربارێ دا، بەردەڤکێ جێگرێ سەرۆکێ حکوومەتا ھەرێما کوردستانێ سەمیر ھەورامی راگه‌ھاند، ئارمانجا سه‌ره‌دانا شاندا حکوومەتا ھەرێمێ، ژ بۆ تەمام کرنا دانوستاندنێن د نێڤبەرا ھەولێر و بەغدایێ دا، ب ئارمانجا چارەسەر کرنا پرسگرێکانە، ب تایبەت پرسا دەستکەفتێن دارایی یێن ھەرێما کوردستانێ و چاوانییا بجھـ کرنا وێ د پرۆژە یاسایا بودجەیا گشتی یا ئیراقێ دا ژبۆ سالا 2021ێ.
هه‌روه‌ها ده‌ست نیشان كر، ھکوومەتا ھەرێمێ ئامادەھییا خۆ نیشان دا، ژ بۆ ب حکوومەتا ئیراقێ ل سەر پرسا داھاتیێن پەترۆلێ و داھاتیێن دەریێن سینۆری رێک بکەڤیت.
تێ زانین ئیرۆ جڤینێن هه‌ردوو ئالییان دەستپێ كرنه و چەندین کۆمیتە دێ پرسگرێكان نرخینن و بریارێ ل سه‌ر بده‌ن.
