د به‌رده‌وامییا ئێریشێن ده‌وله‌تا تركیێ دا ل سه‌ر باشوورێ كوردستانێ، د 24 ده‌مژمێرێن رابووری دا 4 گه‌ریلا ل باشوور و 2 ل باكورێ كوردستانێ، كه‌تنه به‌ر ئێریشان.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، د ئێریشێن دوهـ رۆژا سێشه‌می دا كو باله‌فرێن جه‌نگ ل چیایێ مه‌تینی یێ ل سینۆرێ پارێزگه‌هییا دهۆكێ كرنه، 4 گه‌ریلایێن په‌كه‌كێ بوونه ئارمانج و جانێ خوه ژ ده‌ست دانه.
ل باكورێ كوردستانێ ژی ئیرۆ عه‌سكه‌رێن ترك ل سینۆرێ پارێزگه‌هییا مووشێ ئۆپه‌راسیۆن پێكئانین، د ئه‌نجامێ دا 2 ئه‌ندامێن په‌كه‌كێ هاتنه ده‌سته‌سه‌ر كرن.
ده‌وله‌تا تركیێ د 24 ساعه‌تێن رابووری دا، گوندێن بازێ، زنارا كێسته و بێدوهێ یێن باشوورێ كوردستانێ بۆمبه‌باران كرنه، زرارێن مه‌زن ب ئاقارێ وان گوندان كه‌تییه.
