ل سینۆرێ دێرسما باكورێ كوردستانێ، ئارته‌شا ترك دوو گه‌ریلایێن پارتییا كۆمۆنێستێن ترك هه‌ده‌ف كرن و راگه‌هاند كو ئه‌و د لیستا داخوازكریێن ده‌وله‌تێ دا بوون.
وه‌زاره‌تا كارێن ناڤخۆ یا تركیێ ئیرۆ رۆژا چارشه‌می 9/9/2020ان د به‌یانه‌كا نڤیسكی دا ئه‌شكه‌ره كر، د چارچووڤه‌یا ئۆپه‌راسیۆنا یلدرم – 4 دا، ل سینۆرێ پارێزگه‌هییا دێرسمێ، دوو گه‌ریلایێن چه‌پێن ترك هاتنه هه‌ده‌ف كرن و جانێ خوه ژ ده‌ست دانه.
ده‌ست نیشان كر، ئه‌ڤ هه‌ردوو گه‌ریلا ب ناڤێ ئه‌رۆل ڤۆلكان ئیلده‌م ب كۆد ناڤێ نووباره كو د لیستا ره‌نگ سۆر یا ده‌وله‌تێ دا بوو و گه‌ریلایا دن كو ژنه ب ناڤێ فادیمه چاكر ب كۆد ناڤێ رۆزایه كو ئه‌و ژی د لیستا ده‌وله‌تێ یا ره‌نگێ گه‌ور دا داخواز كری بوو.
د به‌یانا وه‌زاره‌تا ناڤخۆ یا تركیێ دا هاتییه نڤیساندن كو نووبار به‌رپرسێ خه‌باتێن سیاسی یێن TKP-ML TîKO بوو و رۆزا ژی ئه‌ركێن به‌رپرسیارێ هه‌بوون.
پارتییا كۆمۆنێستێن ترك كو پارتییه‌كه چه‌پ ماركسی لینینی یه و خه‌باتێن وێ ل باكورێ كوردستانێ هه‌نه، پارتییا كاركه‌رێن كوردستانێ په‌كه‌كه پشترگیێ دده‌تێ.
