روانگەها مافێن مرۆڤان ئا ب ناڤێ هەنگاوێ ئەڤرۆ رۆژا شەمبی 12/9/2020ێ راگەهاند، گرتیەک سیاسی کو ب سیدارەدانێ ھاتیە مەحکووم کرن سێ رۆژ بەرێ ژ گرتیگەھا ئۆرمیێ بۆ جھەک نەناس ھاتیە ڤەگوھاستن و دبیت کو ب دزی ڤە بهێتە سیدارەدان.
گرتیێ خەلکێ مەھابادێ یێ ب ناڤێ “رەحیم برین” بەری 15 سالان ب تاوانا “ئەندام بوون د حیزبەک کوردی دا” و “کوشتنا بەرپرسەکی حکوومەتێ” ھاتە گرتن.
“رەحیم برین” پشتی کو چەند جاران هەول دایی خوە د زیندانێ دا بکوژیت، د “بەشێ جارەسەریێن دەرۆنی” دا ھاتە راگرتن.
ل گۆری چاڤکانیەک ئاگاھدار ل گرتیگەھا ئورمیێ، مالپەرا ھەنگاو نڤیساند کو مالباتا قوربانی داخاز ژ داواکارێ گشتی کریە کو ئەو ب خوە بریارا سەربەستبەردان ئان سیدارەدانێ بۆ بدەت.
رەحیم برین د سالا 2005-ێ دا دەما پرۆتەستۆیەک گشتی ل دژی کوشتنا چالاکڤانەک مەھابادێ ب ناڤێ “شووانە سەید قادر”چێبووی هاتیە گرتن و ب تاوانا کوشتنا رایەدارەک حکوومی د ڤێ چالاکیا پرۆتەستۆ کرنێ دا ب سیدارەدانێ هاتیە سزادان.
ل گۆری کەسێن نێزیکی رەحیم برین، ناڤبووری ل ژێر ئیشکەنجەیان دا ب دارێ زۆرێ دانپیدان کریە و چەندین جاران گۆتیە هەڤالێن خوە یێن د زیندانێ دا کو وی چ کەسەک نەکوشتیە و ل ژێر ئیشکەنجەیان دا وی دانپێدان کرییە.
